Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λάχης 74:

ἀλλ’ οὕτω ποιῶμεν, ὦ Σώκρατεσ, ὡσ σὺ βούλει. τί οὖν ἂν προελοίμεθα τῶν τῆσ ἀρετῆσ μερῶν; ἢ δῆλον δὴ ὅτι τοῦτο εἰσ ὃ τείνειν δοκεῖ ἡ ἐν τοῖσ ὅπλοισ μάθησισ; δοκεῖ δέ που τοῖσ πολλοῖσ εἰσ ἀνδρείαν. ἦ γάρ; καὶ μάλα δὴ οὕτω δοκεῖ. τοῦτο τοίνυν πρῶτον ἐπιχειρήσωμεν, ὦ Λάχησ, εἰπεῖν, ἀνδρεία τί ποτ’ ἐστίν· ἔπειτα μετὰ τοῦτο σκεψόμεθα καὶ ὅτῳ ἂν τρόπῳ τοῖσ νεανίσκοισ παραγένοιτο, καθ’ ὅσον οἱο͂́ν τε ἐξ ἐπιτηδευμάτων τε καὶ μαθημάτων παραγενέσθαι.