Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λάχης 55:

εἰ δὲ βουλομένοισ ὑμῖν ἐστι περὶ τῶν τοιούτων ἐρωτᾶσθαί τε καὶ διδόναι λόγον, αὐτοὺσ δὴ χρὴ γιγνώσκειν, ὦ Νικία τε καὶ Λάχησ. ἐμοὶ μὲν γὰρ καὶ Μελησίᾳ τῷδε δῆλον ὅτι ἡδομένοισ ἂν εἰή εἰ πάντα ἃ Σωκράτησ ἐρωτᾷ ἐθέλοιτε λόγῳ διεξιέναι· καὶ γὰρ ἐξ ἀρχῆσ ἐντεῦθεν ἠρχόμην λέγων, ὅτι εἰσ συμβουλὴν διὰ ταῦτα ὑμᾶσ παρακαλέσαιμεν, ὅτι μεμεληκέναι ὑμῖν ἡγούμεθα, ὡσ εἰκόσ, περὶ τῶν τοιούτων, καὶ ἄλλωσ καὶ ἐπειδὴ οἱ παῖδεσ ὑμῖν ὀλίγου ὥσπερ οἱ ἡμέτεροι ἡλικίαν ἔχουσι παιδεύεσθαι.