Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λάχης 44:

οὐκοῦν καὶ ὅταν ἵππῳ χαλινὸν σκοπῆταί τισ εἰ προσοιστέον ἢ μή, καὶ ὁπότε, τότε που περὶ τοῦ ἵππου βουλεύεται ἀλλ’ οὐ περὶ τοῦ χαλινοῦ; ἀληθῆ. οὐκοῦν ἑνὶ λόγῳ, ὅταν τίσ τι ἕνεκά του σκοπῇ, περὶ ἐκείνου ἡ βουλὴ τυγχάνει οὖσα οὗ ἕνεκα ἐσκόπει, ἀλλ’ οὐ περὶ τοῦ ὃ ἕνεκα ἄλλου ἐζήτει. ἀνάγκη. δεῖ ἄρα καὶ τὸν σύμβουλον σκοπεῖν ἆρα τεχνικόσ ἐστιν εἰσ ἐκείνου θεραπείαν, οὗ ἕνεκα σκοπούμενοι σκοποῦμεν. πάνυ γε.