Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Θεάγης 49:

εἰ δὲ βούλεσθε, τὸν Τιμάρχου ἀδελφὸν Κλειτόμαχον ἔρεσθε τί εἶπεν αὐτῷ Τίμαρχοσ ἡνίκα ἀποθανούμενοσ ᾔει εὐθὺ τοῦ δαιμονίου, ἐκεῖνόσ τε καὶ Εὐάθλοσ ὁ σταδιοδρομῶν ὃσ Τίμαρχον ὑπεδέξατο φεύγοντα· ἐρεῖ γὰρ ὑμῖν ὅτι εἶπεν αὐτῷ ταυτί. τί; "ὦ Κλειτόμαχε," ἔφη, "ἐγὼ μέντοι ἔρχομαι ἀποθανούμενοσ νυνί, διότι Σωκράτει οὐκ ἤθελον πείθεσθαι. " τί δὴ οὖν ποτε τοῦτο εἶπεν ὁ Τίμαρχοσ; ἐγὼ φράσω. ὅτε ἀνίστατο ἐκ τοῦ συμποσίου ὁ Τίμαρχοσ καὶ Φιλήμων ὁ Φιλημονίδου ἀποκτενοῦντεσ Νικίαν τὸν Ἡροσκαμάνδρου, ἠπιστάσθην μὲν αὐτὼ μόνω τὴν ἐπιβουλήν, ὁ δὲ Τίμαρχοσ ἀνιστάμενοσ πρὸσ ἐμὲ εἶπεν, "τί λέγεισ," ἔφη, "ὦ Σώκρατεσ;