Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Θεάγης 28:

ναί. ἐπειδὴ δὲ εἶπε ‐ σοφοὶ τύραννοι τῶν σοφῶν συνουσίᾳ,ἡμῶν ἐρωτώντων· "τῶν τί σοφῶν λέγεισ, ὦ Εὐριπίδη; τί ἂν φαίη; ποῖα ἂν εἶναι ταῦτα; ἀλλὰ μὰ Δί’ οὐκ οἶδ’ ἔγωγε. ἀλλὰ βούλει ἐγώ σοι εἴπω; εἰ σὺ βούλει. ταῦτ’ ἐστὶν ἅπερ ἔφη Ἀνακρέων τὴν Καλλικρίτην ἐπίστασθαι· ἢ οὐκ οἶσθα τὸ ᾆσμα; ἔγωγε. τί οὖν; τοιαύτησ τινὸσ καὶ σὺ συνουσίασ ἐπιθυμεῖσ ἀνδρὸσ ὅστισ τυγχάνει ὁμότεχνοσ ὢν Καλλικρίτῃ τῇ Κυάνησ καὶ "ἐπίσταται τυραννικά," ὥσπερ ἐκείνην ἔφη ὁ ποιητήσ, ἵνα καὶ σὺ ἡμῖν τύραννοσ γένῃ καὶ τῇ πόλει;