Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Ἀλκιβιάδησ α 62:

οἶμαι μέν, ὦ Σώκρατεσ, ὀλιγάκισ Ἀθηναίουσ βουλεύεσθαι καὶ τοὺσ ἄλλουσ Ἕλληνασ πότερα δικαιότερα ἢ ἀδικώτερα· τὰ μὲν γὰρ τοιαῦτα ἡγοῦνται δῆλα εἶναι, ἐάσαντεσ οὖν περὶ αὐτῶν σκοποῦσιν ὁπότερα συνοίσει πράξασιν. οὐ γὰρ ταὐτὰ οἶμαι ἐστὶν τά τε δίκαια καὶ τὰ συμφέροντα, ἀλλὰ πολλοῖσ δὴ ἐλυσιτέλησεν ἀδικήσασι μεγάλα ἀδικήματα, καὶ ἑτέροισ γε οἶμαι δίκαια ἐργασαμένοισ οὐ συνήνεγκεν. τί οὖν; εἰ ὅτι μάλιστα ἕτερα μὲν τὰ δίκαια τυγχάνει ὄντα, ἕτερα δὲ τὰ συμφέροντα, οὔ τί που αὖ σὺ οἰεί ταῦτ’ εἰδέναι ἃ συμφέρει τοῖσ ἀνθρώποισ, καὶ δι’ ὅτι;