Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Ἀλκιβιάδησ α 42:

πολλάκισ σοῦ ἐν διδασκάλων ἤκουον παιδὸσ ὄντοσ καὶ ἄλλοθι, καὶ ὁπότε ἀστραγαλίζοισ ἢ ἄλλην τινὰ παιδιὰν παίζοισ, οὐχ ὡσ ἀποροῦντοσ περὶ τῶν δικαίων καὶ ἀδίκων, ἀλλὰ μάλα μέγα καὶ θαρραλέωσ λέγοντοσ περὶ ὅτου τύχοισ τῶν παίδων ὡσ πονηρόσ τε καὶ ἄδικοσ εἰή καὶ ὡσ ἀδικοῖ· ἢ οὐκ ἀληθῆ λέγω; ἀλλὰ τί ἔμελλον ποιεῖν, ὦ Σώκρατεσ, ὁπότε τίσ με ἀδικοῖ; σὺ δ’ εἰ τύχοισ ἀγνοῶν εἴτ’ ἀδικοῖο εἴτε μὴ τότε, λέγεισ, τί σε χρὴ ποιεῖν;