Lucian, Zeuxis 22:

ὡρ́α τοίνυν με σκοπεῖν, μὴ καὶ τοὐμὸν ὅμοιον ᾖ τῷ Ἀντιόχῳ καὶ τὰ μὲν ἄλλα οὐκ ἄξια μάχησ, ἐλέφαντεσ δέ τινεσ καὶ ξένα μορμολύκεια πρὸσ τοὺσ ὁρῶντασ καὶ θαυματοποιία ἄλλωσ· ἐκεῖνα γοῦν ἐπαινοῦσι πάντεσ. οἷσ δ̓ ἐγὼ ἐπεποίθειν, οὐ πάνυ ταῦτα ἐν λόγῳ παῤ αὐτοῖσ ἐστιν, ἀλλ̓ ὅτι μὲν θήλεια Ἱπποκένταυροσ γεγραμμένη, τοῦτο μόνον ἐκπλήττονται καὶ ὥσπερ ἐστί, καινὸν καὶ τεράστιον δοκεῖ αὐτοῖσ. τὰ δ̓ ἄλλα μάτην ἄρα τῷ Ζεύξιδι πεποίηται;