Lucian, Zeuxis 13:

(루키아노스, Zeuxis 13:)

ταῦτα δ̓ οὖν ἐπιδειξάμενοσ ὁ Ζεῦξισ αὐτὸσ μὲν ᾤετο ἐκπλήξειν τοὺσ ὁρῶντασ ἐπὶ τῇ τέχνῃ, οἱ δὲ αὐτίκα μὲν ἐβόων. ἢ τί γὰρ ἂν ἐποίουν καλλίστω θεάματι ἐντυγχάνοντεσ; ἐπῄνουν δὲ μάλιστα πάντεσ ἅπερ κἀμὲ πρῴην ἐκεῖνοι, τῆσ ἐπινοίασ τὸ ξένον καὶ τὴν γνώμην τῆσ γραφῆσ ὡσ νέαν καὶ τοῖσ ἔμπροσθεν ἠγνοημένην οὖσαν. ὥστε ὁ Ζεῦξισ συνεὶσ ὅτι αὐτοὺσ ἀσχολεῖ ἡ ὑπόθεσισ καινὴ οὖσα καὶ ἀπάγει τῆσ τέχνησ, ὡσ ἐν παρέργῳ τίθεσθαι τὴν ἀκρίβειαν τῶν πραγμάτων, Ἄγε δή, ἔφη, ὦ Μικκίων, πρὸσ τὸν μαθητήν, περίβαλε ἤδη τὴν εἰκόνα καὶ ἀράμενοι ἀποκομίζετε οἴκαδε· οὗτοι γὰρ ἡμῶν τὸν πηλὸν τῆσ τέχνησ ἐπαινοῦσι, τῶν δ̓, ἐφ̓ ὅτῳ, εἰ καλῶσ ἔχει καὶ κατὰ τὴν τέχνην, οὐ πολὺν ποιοῦνται λόγον, ἀλλὰ παρευδοκιμεῖ τὴν ἀκρίβειαν τῶν ἔργων ἡ τῆσ ὑποθέσεωσ καινοτομία.

일치하는 문장이 없습니다.

SEARCH

MENU NAVIGATION