Lucian, Ἑρμότιμοσ, Λυκῖνος 178:

(루키아노스, Ἑρμότιμοσ, Λυκῖνος 178:)

Εὖ λέγεισ· ἄπειμι γοῦν ἐπ̓ αὐτὸ τοῦτο, ὡσ μεταβαλοίμην καὶ αὐτὸ δὴ τὸ σχῆμα. ὄψει γοῦν οὐκ εἰσ μακρὰν οὔτε πώγωνα ὥσπερ νῦν λάσιον καὶ βαθὺν οὔτε δίαιταν κεκολασμένην, ἀλλ̓ ἄνετα πάντα καὶ ἐλεύθερα· τάχα δὲ καὶ πορφυρίδα μεταμφιάσομαι, ὡσ εἰ δεῖεν ἅπαντεσ ὅτι μηκέτι μοι τῶν λήρων ἐκείνων μέτεστιν. ὡσ εἴθε γε καὶ ἐξεμέσαι δυνατὸν ἦν ἅπαντα ἐκεῖνα, ὁπόσα ἤκουσα παῤ αὐτῶν, καὶ εὖ ἴσθι, οὐκ ἂν ὤκνησα καὶ ἐλλέβορον πιεῖν διὰ τοῦτο ἐσ τὸ ἔμπαλιν ἢ ὁ Χρύσιπποσ, ὅπωσ μηδὲν ἔτι νοήσαιμι ὧν φασι. σοὶ δ̓ οὖν οὐ μικρὰν χάριν οἶδα, ὦ Λυκῖνε, ὅτι με παραφερόμενον ὑπὸ θολεροῦ τινοσ χειμάρρου καὶ τραχέοσ, ἐπιδιδόντα ἐμαυτὸν καὶ κατὰ ῥοῦν συρρέοντα τῷ ὕδατι, ἀνέσπασασ ἀπιστάσ, τὸ τῶν τραγῳδῶν τοῦτο, θεὸσ ἐκ μηχανῆσ ἐπιφανείσ. δοκῶ δέ μοι οὐκ ἀλόγωσ ἂν καὶ ξυρήσασθαι τὴν κεφαλὴν ὥσπερ οἱ ἐκ τῶν ναυαγίων ἀποσωθέντεσ ἐλεύθεροι, ἅτε καὶ σωτήρια τήμερον ἄξων τοσαύτην ἀχλὺν ἀποσεισάμενοσ τῶν ὀμμάτων.

일치하는 문장이 없습니다.

SEARCH

MENU NAVIGATION