헬라어 문장 검색 - Λυξιαν́Ηερμοτί129́

(루키아노스, Ἑρμότιμοσ, Λυκῖνος 129:)

Ἔστω ταῦτα ὡσ βούλει, Λυκῖνε. τί οὖν; ἑκατὸν ἔτη χρὴ βιῶναι καὶ τοσαῦτα ὑπομεῖναι πράγματα; ἢ οὐκ ἂν ἄλλωσ φιλοσοφήσαιμεν; Οὐ γάρ, ὦ Ἑρμότιμε· καὶ δεινὸν οὐδέν, εἴ γε ἀληθῆ ἔλεγεσ ἐν ἀρχῇ, ὡσ ὁ μὲν βίοσ βραχύσ, ἡ δὲ τέχνη μακρή. νῦν δὲ οὐκ οἶδ̓ ὅ τι παθὼν ἀγανακτεῖσ, εἰ μὴ αὐθημερὸν ἡμῖν πρὶν ἥλιον δῦναι Χρύσιπποσ ἢ Πλάτων ἢ Πυθαγόρασ γένοιο. Περιέρχῃ με, ὦ Λυκῖνε, καὶ συνελαύνεισ ἐσ στενὸν οὐδὲν ὑπ̓ ἐμοῦ δεινὸν παθών, ὑπὸ φθόνου δηλαδή, ὅτι ἐγὼ μὲν προὔκοπτον ἐν τοῖσ μαθήμασι, σὺ δὲ ὠλιγώρησασ ἑαυτοῦ τηλικοῦτοσ ὤν. Οἶσθ̓ οὖν ὃ δράσεισ; ἐμοὶ μὲν ὥσπερ κορυβαντιῶντι μὴ πρόσεχε τὸν νοῦν, ἀλλ̓ ἐά ληρεῖν, σὺ δὲ ὡσ ἔχεισ προχώρει ἐσ τὸ πρόσθεν τῆσ ὁδοῦ καὶ πέραινε κατὰ τὰ ἐξ ἀρχῆσ σοι δεδογμένα περὶ τούτων. Ἀλλ̓ οὐκ ἐᾷσ σὺ βίαιοσ ὢν αἱρεῖσθαί τι, ἢν μὴ πειραθῶ ἁπάντων. Καὶ μὴν εὖ εἰδέναι χρὴ ὡσ οὐκ ἄν ποτε ἄλλο εἴποιμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, Ἑρμότιμοσ, Λυκῖνος 129:

(루키아노스, Ἑρμότιμοσ, Λυκῖνος 129:)

목록

SEARCH

MENU NAVIGATION