Hippocrates, Oeuvres Completes D'Hippocrate., PROGNWSTIKON, 24.

(히포크라테스, Oeuvres Completes D'Hippocrate., PROGNWSTIKON, 24.)

Ὁκόσοισι δ’ ἂν οἱ πυρετοὶ παύωνται, μήτε σημείων γενομένων λυτηρίων, μήτε ἐν ἡμέρῃσι κρισίμῃσιν, ὑποστροφὴν προσδέχεσθαι χρὴ τουτέοισιν. Ὅστισ δ’ἂν τῶν πυρετῶν μηκύνῃ περιεστικῶσ διακειμένου τοῦ ἀνθρώπου, μηκέτι ὀδύνησ ἐχούσησ διὰ φλεγμονήν τινα, μήτε διὰ πρόφασιν ἄλλην μηδεμίην ἐμφανέα, τουτέῳ προσδέχεσθαι ἀπόστασιν μετ’ οἰδήματόσ τε καὶ ὀδύνησ ἔσ τι τῶν ἄρθρων, καὶ οὐχ ἧσσον ἐκ τῶν κάτω. Μᾶλλον δὲ γίγνονται καὶ ἐν ἐλάσσονι χρόνῳ αἱ τοιαῦται ἀποστάσιεσ τοῖσι νεωτέροισι τριήκοντα ἐτέων‧ ὑποσκέπτεσθαι δὲ χρὴ εὐθέωσ τὰ περὶ τῆσ ἀποστάσιοσ, ἢν εἴκοσιν ἡμέρασ ὁ πυρετὸσ ἔχων ὑπερβάλλῃ‧ τοῖσι δὲ γεραιτέροισιν ἧσσον γίγνεται, πολυχρονιωτέρου ἐόντοσ τοῦ πυρετοῦ. Χρὴ δὲ τὴν μὲν τοιαύτην ἀπόστασιν προσδέχεσθαι, ξυνεχέοσ ἐόντοσ τοῦ πυρετοῦ, ἐσ δὲ τεταρταῖον καταστήσεσθαι, ἢν διαλείπῃ τε καὶ καταλαμβάνῃ πεπλανημένον τρόπον, καὶ ταῦτα ποιέων τῷ φθινοπώρῳ προσπελάσῃ. Ὥσπερ δὲ τοῖσι νεωτέροισι τῶν τριήκοντα ἐτέων αἱ ἀποστάσιεσ γίγνονται, οὕτωσ οἱ τεταρταῖοι μᾶλλον τοῖσι τριήκοντα ἐτέων καὶ γεραιτέροισιν. Τὰσ δὲ ἀποστάσιασ εἰδέναι χρὴ τοῦ χειμῶνοσ μᾶλλον γιγνομένασ χρονιώτερόν τε παυομένασ, ἧσσον δὲ παλινδρομεύσασ. Ὅστισ δ’ ἂν ἐν πυρετῷ μὴ θανατώδει φῇ τὴν κεφαλὴν ἀλγέειν, ἢ καὶ ὀρφνῶδέσ τι πρὸ τῶν ὀφθαλμῶν φαίνεσθαι, ἢ καρδιωγμὸσ τουτέῳ προσγένηται, χολώδησ ἔμετοσ παρέσται‧ ἢν δὲ καὶ Ῥῖγοσ ἐπιλάβῃ, καὶ τὰ κάτω μέρεα τοῦ ὑποχονδρίου ψυχρὰ ᾖ, καὶ θᾶσσον ἔτι ὁ ἔμετοσ παρέσται‧ ἢν δέ τι πίῃ ἢ φάγῃ ὑπὸ τοῦτον τὸν χρόνον, κάρτα τοῦτο ταχέωσ ἐμέεται. Τουτέων δὲ οἷσιν ἂν ἄρξηται ὁ πόνοσ τῇ πρώτῃ ἡμέρῃ γίγνεσθαι, τεταρταῖοι πιεζεῦνται μάλιστα καὶ πεμπταῖοι‧ ἐσ δὲ τὴν ἑβδόμην ἀπαλλάσσονται‧ οἱ μέντοι πλείονεσ αὐτέων ἄρχονται μὲν πονέεσθαι τριταῖοι, χειμάζονται δὲ μάλιστα πεμπταῖοι, ἀπαλλάσσονται δὲ ἐναταῖοι ἢ ἑνδεκαταῖοι‧ οἳ δ’ἂν ἄρξωνται πεμπταῖοι πονέεσθαι, καὶ τἄλλα κατὰ λόγον αὐτέοισι γίγνηται, ἐσ τὴν τεσσαρεσκαιδεκάτην κρίνεται ἡ νοῦσοσ. Γίγνεται δὲ ταῦτα τοῖσι μὲν ἀνδράσι καὶ τῆσι γυναιξὶν ἐν τοῖσι τριταίοισι μάλιστα‧ τοῖσι δὲ νεωτέροισι γίγνεται μὲν καὶ ἐν τουτέοισι, μᾶλλον δὲ ἐν τοῖσι ξυνεχεστέροισι πυρετοῖσι, καὶ ἐν τοῖσι γνησίοισι τριταίοισιν. Οἷσι δ’ ἂν ἐν τοιουτοτρόπῳ πυρετῷ κεφαλὴν ἀλγέουσιν ἀντὶ μὲν τοῦ ὀρφνῶδέσ τι πρὸ τῶν ὀφθαλμῶν φαίνεσθαι, ἀμβλυωγμὸσ γίγνεται, ἢ μαρμαρυγαὶ προφαίνονται, ἀντὶ δὲ τοῦ καρδιώσσειν, ἐν τῷ ὑποχονδρίῳ ἐπὶ δεξιὰ ἢ ἐπ’ ἀριστερὰ ξυντείνεταί τι μήτε ξὺν ὀδύνῃ μήτε ξὺν φλεγμονῇ, αἷμα διὰ τῶν Ῥινῶν τουτέοισι Ῥυῆναι προσδόκιμον ἀντὶ τοῦ ἐμέτου. Μᾶλλον δὲ καὶ ἐνταῦθα τοῖσι νέοισι τοῦ αἵματοσ τὴν Ῥῆξιν προσδέχεσθαι‧ τοῖσι δὲ πέντε καὶ τριήκοντα ἔτεσι καὶ γεραιτέροισιν ἧσσον, ἀλλὰ τοὺσ ἐμέτουσ τουτέοισι προσδέχεσθαι. Τοῖσι δὲ παιδίοισι σπασμοὶ γίγνονται, ἢν ὁ πυρετὸσ ὀξὺσ ᾖ, καὶ γαστὴρ μὴ διαχωρέῃ, καὶ ἀγρυπνέωσί τε καὶ ἐκπλαγέωσι, καὶ κλαυθμυρίζωσι, καὶ τὸ χρῶμα μεταβάλλωσι, καὶ χλωρὸν ἢ πελιὸν ἢ ἐρυθρὸν ἴσχωσιν. Γίγνεται δὲ ταῦτα ἐξ ἑτοιμοτάτου μὲν τοῖσι παιδίοισι τοῖσι νεωτάτοισιν ἐσ τὰ ἑπτὰ ἔτεα‧ τὰ δὲ πρεσβύτερα τῶν παιδίων καὶ οἱ ἄνδρεσ οὐκ ἔτι ἐν τοῖσι πυρετοῖσιν ὑπὸ τῶν σπασμῶν ἁλίσκονται, ἢν μή τι τῶν σημείων προσγένηται τῶν ἰσχυροτάτων τε καὶ κακίστων, οἱᾶ́ περ ἐν τῃσι φρενίτισι γίγνεται. Τοὺσ δ’ἀπολουμένουσ τε καὶ περιεσομένουσ τῶν παιδίων τε καὶ τῶν ἄλλων τεκμαίρεσθαι τοῖσι ξύμπασι σημείοισιν, ὡσ ἐφ’ ἑκάστοισιν ἕκαστα διαγέγραπται. Ταῦτα δὲ λέγω περί τε τῶν ὀξέων νουσημάτων καὶ ὅσα ἐκ τουτέων γίγνεται.

일치하는 문장이 없습니다.

SEARCH

MENU NAVIGATION