헬라어 문장 검색 - Ηιπποξ́Οευϝρεσ́09́19́0́

(히포크라테스, Oeuvres Completes D'Hippocrate., PROGNWSTIKON, 19.)

Αἱ δὲ ξὺν πυρετῷ γιγνόμεναι ὀδύναι περὶ τὴν ὀσφῦν τε καὶ τὰ κάτω χωρία, ἢν τῶν φρενῶν ἅπτωνται, τὰ κάτω ἐκλείπουσαι, ὀλέθριαι κάρτα. Προσέχειν οὖν δεῖ τὸν νόον τοῖσιν ἄλλοισι σημείοισιν, ὡσ ἤν τι καὶ τῶν ἄλλων σημείων ἐπιφαίνηται πονηρὸν, ἀνέλπιστοσ ὁ ἄνθρωποσ‧ ἢν δὲ, ἀναί̈σσοντοσ τοῦ νουσήματοσ ὡσ πρὸσ τὰσ φρένασ, τἄλλα σημεῖα μὴ πονηρὰ ἐπιγίγνηται, ἔμπυον ἔσεσθαι τοῦτον πολλαὶ ἐλπίδεσ. Κύστιεσ δὲ σκληραί τε καὶ ἐπώδυνοι δειναὶ μὲν παντελῶσ καὶ ὀλέθριαι‧ ὀλεθριώτεραι δὲ ὁκόσαι ξὺν πυρετῷ ξυνεχεῖ γίγνονται‧ καὶ γὰρ οἱ ἀπ’ αὐτέων τῶν κύστιων πόνοι ἱκανοὶ ἀποκτεῖναι‧ καὶ αἱ κοιλίαι οὐ διαχωρέουσιν ἐν τουτέῳ τῷ χρόνῳ, εἰ μὴ σκληρά τε καὶ πρὸσ ἀνάγκην‧ λύει δέ οὖρον πυῶδισ οὐρηθὲν, λευκὴν καὶ λείην ἔχον τὴν ὑπόστασιν. Ἢν δὲ μήτε τὸ οὖρον μηδὲν ἐνδιδοίη, μήτε ἡ κύστισ μαλάσσοιτο, ὅ τε πυρετοσ ξυνεχὴσ ᾖ, ἐν τῇσι πρώτῃσι περιόδοισι τοῦ νουσήματοσ ἐλπὶσ τὸν ἀλγέοντα ἀπολέσθαι. Ὁ δὲ τρόποσ οὗτοσ ἅπτεται τῶν παιδίων μάλιστα τῶν ἑπταετέων, ἑώσ ἂν ἐσ τὰ πεντεκαίδεκα ἔτεα γένωνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 19.

(히포크라테스, Oeuvres Completes D'Hippocrate., PROGNWSTIKON, 19.)

상위

목록

SEARCH

MENU NAVIGATION