Hippocrates, Oeuvres Completes D'Hippocrate., PROGNWSTIKON, 18.

(히포크라테스, Oeuvres Completes D'Hippocrate., PROGNWSTIKON, 18.)

Ὁκόσοισι δὲ ἀποστάσιεσ γίγνονται ἐκ τῶν περιπλευμονικῶν νουσημάτων παρὰ τὰ ὦτα, καὶ ἐκπυέουσιν, ἢ ἐσ τὰ κάτω χωρία, καὶ συριγγοῦνται, οὗτοι περιγίγνονται. Ἐπισκέπτεσθαι δὲ χρὴ τὰ τοιαῦτα ὧδε‧ ἢν ὅ τε πυρετὸσ ἔχῃ, καὶ ἡ ὀδύνη μὴ παύηται, καὶ τὸ πτύελον μὴ ἐκχωρέῃ κατὰ λόγον, μηδὲ χολώδεεσ αἱ τῆσ κοιλίησ διαχωρήσιεσ, μηδὲ εὔλυτοί τε καὶ ἄκρητοι γίγνοιντο, καὶ μηδὲ τὸ οὖρον πουλύ τε κάρτα καὶ πολλὴν ὑπόστασιν ἔχον, ὑπηρετέηται δὲ πεοιεστικῶσ ὑπὸ τῶν λοιπῶν πάντων τῶν περιεστικῶν σημείων, τουτέοισι χρὴ τὰσ τοιαύτασ ἀποστάσιασ ἐλπίζειν ἔσεσθαι. Γίγνονται δὲ αἱ μὲν ἐσ τὰ κάτω χωρία, οἷσιν ἂν περὶ τὰ ὑποχόνδρια τοῦ φλέγματόσ τι ἐγγένηται‧ αἱ δὲ ἄνω, οἷσι τὸ ὑποχόνδριον λαπαρόν τε καὶ ἀνώδυνον διατελέῃ, δύσπνοοσ δέ τινα χρόνον γενόμενοσ παύσηται, ἄτερ φανερῆσ προφάσιοσ ἄλλησ. Αἱ δὲ ἀποστάσιεσ αἱ ἐσ τὰ σκέλεα ἐν τῇσι περιπλευμονίῃσι τῇσιν ἰσχυρῇσί τε καὶ ἐπικινδύνοισι λυσιτελέεσ μὲν πᾶσαι, ἄρισται δὲ αἱ τοῦ πτυέλου ἐν μεταβολῇ ἐόντοσ γιγνόμεναι‧ εἰ γὰρ τὸ οἴδημα καὶ ἡ ὀδύνη γίγνοιτο, τοῦ πτυέλου ἀντὶ ξανθοῦ πυώδεοσ γενομένου καὶ ἐκχωρέοντοσ ἔξω, οὕτωσ ἂν ἀσφαλέστατα ὅ τε ἄνθρωποσ περιγίγνοιτο, καὶ ἡ ἀπόστασισ ἀνώδυνοσ τάχιστα παύσαιτο‧ εἰ δὲ τὸ πτύελον μὴ ἐκχωρέοι καλῶσ, μηδὲ τὸ οὖρον ὑπόστασιν ἀγαθὴν ἔχον φαίνοιτο, κίνδυνοσ χωλὸν γενέσθαι τὸ ἄρθρον ἢ πολλὰ πρήγματα παρασχεῖν. Ἢν δὲ ἀφανίζωνται καὶ παλινδρομέωσιν αἱ ἀποστάσιεσ, τοῦ πτυλου μὴ ἐκχωρέοντοσ, καὶ τοῦ πυρετοῦ ἔχοντοσ, δεινόν‧ κίνδοσ γὰρ μὴ παραφρονήσῃ καὶ ἀποθάνῃ ὁ ἄνθρωποσ. Τῶν δὲ ἐμπύων τῶν ἐκ τῶν περιπλευμονικῶν οἱ γεραίτεροι μᾶλλον ἀπόλλυνται‧ ἐκ δὲ τῶν ἄλλων ἐμπυημάτων οἱ νεώτεροι μᾶλλον ἀποθνήσκουσι. Ὁκόσοι δὲ τῶν ἐμπύων καίονται ἢ τέμνονται, οἷσιν ἂν καθαρὸν μὲν το πῦον ᾖ καὶ λευκὸν καὶ μὴ δυσῶδεσ, σώζονται‧ οἷσι δὲ ὕφαιμόν τε καὶ βορβορῶδεσ, ἀπόλλυνται.

일치하는 문장이 없습니다.

SEARCH

MENU NAVIGATION