Hippocrates, Oeuvres Completes D'Hippocrate., PROGNWSTIKON, 12.

(히포크라테스, Oeuvres Completes D'Hippocrate., PROGNWSTIKON, 12.)

Τὸ δὲ οὖρον ἄριστόν ἐστιν, ὅταν ᾖ λευκή τε ἡ ὑπόστασισ, καὶ λείη, καὶ ὁμαλὴ παρὰ πάντα τὸν χρόνον, ἔστ’ ἂν κριθῇ ἡ νοῦσοσ‧ σημαίνει γὰρ ἀσφάλειάν τε καὶ νούσημα ὀλιγοχρόνιον ἔσεσθαι. Εἰ δὲ διαλείποι, καὶ ποτὲ μὲν καθαρὸν οὐρέοιτο, ποτὲ δὲ ὑφίσταται τὸ λευκὸν καὶ λεῖον, χρονιωτέρη γίγνεται ἡ νοῦσοσ καὶ ἧσσον ἀσφαλήσ. Εἰ δὲ εἰή τό τε οὖρον ὑπέρυθρον καὶ ἡ ὑπόστασισ αὐτέου ὁμοίη καὶ λείη, πολυχρονιώτερον μὲν τοῦτο τοῦ πρώτου γίγνεται, σωτήριον δὲ κάρτα. Κριμνώδεεσ δὲ ἐν τοῖσιν οὔροισιν αἱ ὑποστάσιεσ, πονηραί‧ τουτέων δέ εἰσι κακίουσ αἱ πεταλώδεεσ‧ αἱ λευκαὶ δὲ καὶ λεπταὶ, κάρτα φλαῦραι‧ τουτέων δ’ ἔτι κακίουσ εἰσὶν αἱ πιτυρώδεεσ. Νεφέλαι δὲ ἐμφερόμεναι τοῖσιν οὔροισι, λευκαὶ μὲν ἀγαθαὶ, μέλαιναι δὲ φλαῦραι. Ἔστ’ ἂν δὲ πυῤῬόν τε εἰή τὸ οὖρον καὶ λεπτὸν, σημαίνει τὸ νούσημα ἄπεπτον εἶναι‧ ἢν δὲ καὶ πουλυχρόνιον εἰή τοιοῦτον ἐὸν, κίνδυνοσ μὴ οὐ δυνήσεται ὁ ἄνθρωποσ διαρκέσαι, ἔστ’ ἂν πεπανθῇ ἡ νοῦσοσ. Θανατωδέστερα δὲ τῶν οὔρων τά τε δυσώδεα καὶ ὑδατώδεα καὶ μέλανα καὶ παχέα‧ ἔστι δὲ τοῖσι μὲν ἀνδράσι καὶ τῇσι γυναιξὶ τὰ μέλανα τῶν οὔρων κάκιστα, τοῖσι δὲ παιδίοισι τὰ ὑδατώδεα. Ὁκόσοι δ’ ἂν οὖρα λεπτὰ καὶ ὠμὰ οὐρέωσι πουλὺν χρόνον, ἢν τἄλλα ὡσ περιεσομένοισι σημεῖα ᾖ, τουτέοισιν ἀπόστασιν δεῖ προσδέχεσθαι ἐσ τὰ κάτω τῶν φρενῶν χωρία. Και τὰσ λιπαρότητασ δὲ τὰσ ἄνω ἐφισταμένασ ἀραχνοειδέασ μέμφεσθαι‧ ξυντήξιοσ γὰρ σημεῖα. Σκοπέειν δὲ χρὴ τῶν οὔρων, ἐν οἷσιν αἱ νεφέλαι, ἤν τε ἂνω, ἤν τε κάτω ἐώσι, καὶ τὰ χρώματα ὁκοῖα ἴσχουσι, καὶ τὰσ μὲν κάτω φερομένασ ξὺν τοῖσι χρώμασιν, οἷσιν εἴρηται, ἀγαθὰσ εἶναι νομίζειν καὶ ἐπαινέειν, τὰσ δὲ ἄνω ξὺν τοῖσι χρώμασιν, οἷσιν εἴρηται, κακὰσ εἶναι, καὶ μέμφεσθαι. Μὴ ἐξαπατάτω δέ σε, ἤν γε ἡ κύστισ τι νούσημα ἔχουσα τῶν οὔρων τὰ τοιαῦτα ἀποδιδῷ‧ οὐ γὰρ τοῦ ὅλου σώματοσ σημεῖόν ἐστιν, ἀλλ’ αὐτῆσ καθ’ ἑωυτῆσ.

일치하는 문장이 없습니다.

SEARCH

MENU NAVIGATION