Hippocrates, Oeuvres Completes D'Hippocrate., PROGNWSTIKON, 6.

(히포크라테스, Oeuvres Completes D'Hippocrate., PROGNWSTIKON, 6.)

Οἱ δὲ ἱδρῶτεσ ἀριστοι μέν εἰσιν ἐν πᾶσι τοῖσιν ὀξέσι νουσ μασιν, ὁκόσοι ἐν ἡμέρῃσί τε κρισίμοισι γίγνονται καὶ τελείωσ τὸν πυρετὸν ἀπαλλάσσουσιν. Ἀγαθοὶ δὲ καὶ ὁκόσοι διὰ παντὸσ τοῦ σώματοσ γιγνόμενοι ἀπέδειξαν τὸν ἄνθρωπον εὐπετέστερον φέροντα τὸ νούσημα. Οἳ δ’ ἂν μὴ τοιοῦτόν τι ἐξεργάσωνται, οὐ λυσιτελέεσ. Κάκιστοι δὲ οἱ ψυχροί τε καὶ μοῦνον περὶ τὴν κεφαλήν τε καὶ τὸ πρόσωπον γιγνόμενοι καὶ τὸν αὐχένα‧ οὗτοι γὰρ ξὺν μὲν ὀξεῖ πυρετῷ θάνατον προσημαίνουσι, ξὺν δὲ πρηϋτέρῳ, μῆκοσ νούσου. Καὶ οἱ κατὰ πᾶν τὸ σῶμα ὡσαύτωσ γιγνόμενοι τοῖσι περὶ τὴν κεφαλήν‧ οἱ δὲ κεγχροειδέεσ καὶ μοῦνον περὶ τὸν τράχηλον γιγνόμενοι πονηροί. Οἱ δὲ μετὰ σταλαγμῶν καὶ ἀτμίζοντεσ, ἀγαθοί. Κατανοέειν δὲ χρὴ τὸ ξύνολον τῶν ἱδρώτων. Γίγνονται γὰρ οἱ μὲν δι’ ἔκλυσιν σωμάτων, οἱ δὲ διὰ ξυντονίην φλεγμονῆσ.

일치하는 문장이 없습니다.

SEARCH

MENU NAVIGATION