Hippocrates, Oeuvres Completes D'Hippocrate., PROGNWSTIKON, 3.

(히포크라테스, Oeuvres Completes D'Hippocrate., PROGNWSTIKON, 3.)

Κεκλιμένον δὲ χρὴ καταλαμβάνεσθαι τὸν νοσέοντα ὑπὸ τοῦ ἰητροῦ ἐπὶ τὸ πλευρὸν τὸ δεξιὸν, ἢ τὸ ἀριστερὸν, καὶ τὰσ χεῖρασ καὶ τὸν τράχηλον καὶ τὰ σκέλεα ὀλίγον ἐπικεκαμμένα ἔχοντα, καὶ τὸ ξύμπαν σῶμα ὑγρὸν κείμενον‧ οὕτω γὰρ καὶ οἱ πλεῖστοι τῶν ὁγιαινόντων κατακλίνονται‧ ἄρισται δέ εἰσι τῶν κατακλίσιων αἱ ὅμοιαι τῇσι τῶν ὑγιαινόντων. Ὕπτιον δὲ κέεσθαι καὶ τὰσ χεῖρασ καὶ τὸν τράχηλον καὶ τὰ σκέλεα ἐκτεταμένα ἔχοντα, ἧσσον ἀγαθόν. Εἰ δὲ καὶ προπετὴσ γένοιτο, καὶ καταῤῬέοι ἐπὶ τῆσ κλίνησ ἐπὶ τοὺσ πόδασ, δεινότερόν ἐστιν. Εἰ δὲ καὶ γυμνοὺσ τοὺσ πόδασ εὑρίσκοιτο ἔχων, μὴ θερμοὺσ κάρτα ἐόντασ, καὶ τὰσ χεῖρασ, καὶ τὸν τράχηλον, και τὰ σκέλεα ἀνωμάλωσ διεῤῬιμμένα καὶ γυμνὰ, κακόν‧ ἀλυσμὸν γὰρ σημαίνει. Θανατῶδεσ δὲ καὶ τὸ κεχηνότα καθεύδειν αἰεὶ, καὶ τὰ σκέλεα ὑπτίου κειμένου ξυγκεκαμμένα εἶναι ἰσχυρῶσ, καὶ διαπεπλεγμένα. Ἐπὶ γαστέρα δὲ κέεσθαι ᾧ μὴ ξύνηθέσ ἐστι καὶ ὑγιαίνοντι οὕτω κοιμᾶσθαι, παραφροσύνην τινὰ σημαίνει, ἢ ὀδύνην τῶν ἀμφὶ τὴν κοιλίην τόπων. Ἀνακαθίζειν δὲ βούλεσθαι τὸν νοσέοντα, τῆσ νούσου ἀκμαζούσησ, πονηρὸν μὲν ἐν πᾶσι τοῖσιν ὀξέσι νουσήμασι, κάκιστον δὲ ἐν τοῖσι περιπλευμονικοῖσιν. Ὀδόντασ δὲ πρίειν ἐν πυρετοῖσιν, ὁκόσοισι μὴ ξύνηθέσ ἐστιν ἀπὸ παίδων, μανικὸν καὶ θανατῶδεσ, ἀλλὰ προλέγειν ἀπ’ ἀμφοῖν κίνδυνον ἐσόμενον‧ ἢν δὲ καὶ παραφρονέων το πο, ὀλέθριον γίγνεται καρτα ἤδη. Ἔλκοσ δὲ ἤν τε καὶ προγεγονὸσ τύχῃ ἔχων, ἤν τε καὶ ἐν τῇ νούσῳ γένηται, καταμανθάνειν δεῖ‧ ἢν γὰρ μέλλῃ ἀπόλλυσθαι ὁ ἄνθρωποσ, πρὸ το θανάτου πελιδνόν τε καὶ ξηρὸν ἔσται, ἢ ὠχρόν τε καὶ ξηρόν.

일치하는 문장이 없습니다.

SEARCH

MENU NAVIGATION