헬라어 문장 검색 - Ηιπποξ́Οευϝρεσ́09́02́0́

(히포크라테스, Oeuvres Completes D'Hippocrate., PROGNWSTIKON, 2.)

Σκέπτεσθαι δὲ χρὴ ὧδε ἐν τοῖσιν ὀξέσι νουσήμασι‧ πρῶτον μὲν τὸ πρόσωπον τοῦ νοσέοντοσ, εἰ ὅμοιόν ἐστι τοῖσι τῶν ὑγιαινόντων, μάλιστα δὲ, εἰ αὐτὸ ἑωυτέῳ. Ἢν δὲ καμπύλον γένηται, ἢ πελιὸν, ἢ ὠχρὸν βλέφαρον, ἢ χεῖλοσ, ἢ Ῥὶσ, μετά τινοσ τῶν ἄλλων σημείων, εἰδέναι χρὴ ἐγγὺσ ἐόντα θανάτου‧ θανατῶδεσ δὲ καὶ χείλεα ἀπολυόμενα, καὶ κρεμάμενα, καὶ ψυχρὰ, καὶ ἔκλευκα γιγνόμενα. Οὕτω γὰρ ἂν εἰή ἄριστον, τὸ δ’ ἐναντιώτατον τοῦ ὁμοίου, δεινότατον. Εἰή δ’ ἂν τὸ τοιόνδε‧ Ῥὶσ ὀξεῖα, ὀφθαλμοὶ κοῖλοι, κρόταφοι ξυμπεπτωκότεσ, ὦτα ψυχρὰ καὶ ξυνεσταλμένα, καὶ οἱ λοβοὶ τῶν ὤτων ἀπεστραμμένοι, καὶ τὸ δέρμα τὸ περὶ τὸ μέτωπον σκληρόν τε καὶ περιτεταμένον καὶ καρφαλέον ἐόν. Καὶ τὸ χρῶμα τοῦ ξύμπαντοσ προσώπου χλωρόν τε ἢ καὶ μέλαν ἐὸν, καὶ πελιὸν, ἢ μολιβδῶδεσ. Ἢν μὲν οὖν ἐν ἀρχῇ τῆσ νούσου τὸ πρόσωπον τοιοῦτον ᾖ, καὶ μήπω οἱο͂́ν τε ᾖ τοῖσιν ἄλλοισι σημείοισι ξυντεκμαίρεσθαι, ἐπανερέσθαι χρὴ, μὴ ἠγρύπνησεν ὁ νοσέων, ἢ τὰ τῆσ κοιλίησ ἐξυγρασμένα ᾖ ἰσχυρῶσ, ἢ λιμῶδέσ τι ἔχῃ αὐτόν‧ κἢν μέν τι τουτέων ὁμολογέῃ, ἧσσον νομίζειν δεινὸν εἶναι‧ κρίνεται δὲ τὰ τοιαῦτα ἐν ἡμέρῃ τε καὶ νυκτὶ, ἢν διὰ ταύτασ τὰσ προφάσιασ τὸ πρόσωπον τοιοῦτον ᾖ. Ἢν δὲ μηδὲν τουτέων φῇ εἶναι, μηδὲ ἐν τῷ χρόνῳ τῷ προειρημένῳ καταστῇ, εἰδέναι χρὴ ἐγγὺσ ἐόντα τοῦ θανάτου. Ἢν δὲ καὶ παλαιοτέρου ἐόντοσ τοῦ νουσήματοσ, ἢ τριταίου ἢ τεταρταίου, τὸ πρόσωπον τοιοῦτον ᾖ, περὶ τουτέων ἐπανε ρέσθαι, περὶ ὧν καὶ πρότερον ἐκέλευσα, καὶ τἄλλα σημεῖα σκέπτεσθαι, τά τε ἐν τῷ ξύμπαντι προσώπῳ, τά τε ἐν τῷ σώματι, καὶ τὰ ἐν τοῖσιν ὀφθαλμοῖσιν. Ἢν γὰρ τὴν αὐγὴν φεύγωσιν, ἢ δακρύωσιν ἀπροαιρέτωσ, ἢ διαστρέφωνται, ἢ ὁ ἕτεροσ τοῦ ἑτέρου ἐλάσσων γίγνηται, ἢ τὰ λευκὰ ἐρυθρὰ ἴσχωσιν, ἢ πελιὰ, ἢ φλέβια μέλανα ἐν ἑωυτέοισιν ἔχωσιν, ἢ λῆμαι φαίνωνται περὶ τὰσ ὄψιασ, ἢ καὶ ἐναιωρεύμενοι, ἢ ἐξίσχοντεσ, ἢ ἔγκοιλοι ἰσχυρῶσ γιγνόμενοι, ἢ αἱ ὄψιεσ αὐχμῶσαι καὶ ἀλαμπέεσ, ἢ τὸ χρῶμα τοῦ ξύμπαντοσ προσώπου ἠλλοιωμένον ᾖ, ταῦτα πάντα κακὰ νομίζειν καὶ ὀλέθρια εἶναι. Σκοπέειν δὲ χρὴ καὶ τὰσ ὑποφάσιασ τῶν ὀφθαλμῶν ἐν τοῖσιν ὕπνοισιν‧ ἢν γάρ τι ὑποφαίνηται τοῦ λευκοῦ, τῶν βλεφάρων μὴ ξυμβαλλομένων, μὴ ἐκ διαῤῬοίησ ἢ φαρμακοποσίησ ἐόντι, ἢ μὴ εἰθισμένῳ οὕτω καθεύδειν, φλαῦρον τὸ σημεῖον καὶ θανατῶδεσ λίην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 2.

(히포크라테스, Oeuvres Completes D'Hippocrate., PROGNWSTIKON, 2.)

상위

목록

SEARCH

MENU NAVIGATION