Flavius Josephus, Antiquitates Judaicae, Book 20 24:

Μονόβαζοσ ὁ τῶν Ἀδιαβηνῶν βασιλεύσ, ᾧ καὶ Βαζαῖοσ ἐπίκλησισ ἦν, τῆσ ἀδελφῆσ Ἑλένησ ἁλοὺσ ἔρωτι τῇ πρὸσ γάμου κοινωνίᾳ ἄγεται καὶ κατέστησεν ἐγκύμονα. συγκαθεύδων δέ ποτε τῇ γαστρὶ τῆσ γυναικὸσ τὴν χεῖρα προσαναπαύσασ ἡνίκα καθύπνωσεν, φωνῆσ τινοσ ἔδοξεν ὑπακούειν κελευούσησ αἴρειν ἀπὸ τῆσ νηδύοσ τὴν χεῖρα καὶ μὴ θλίβειν τὸ ἐν αὐτῇ βρέφοσ θεοῦ προνοίᾳ καὶ ἀρχῆσ τυχὸν καὶ τέλουσ εὐτυχοῦσ τευξόμενον.