Flavius Josephus, Antiquitates Judaicae, Book 17 203:

καίπερ δὲ μειζόνωσ ἢ ἀντίσχοι ἄν τισ ταλαιπωρούμενοσ ἐν ἐλπίδι τοῦ ἀνασφαλοῦντοσ ἦν, ἰατρούσ τε μεταπέμπων καὶ ὁπόσα ἀρωγὰ ὑπαγορεύσειαν χρῆσθαι μὴ ἀποτετραμμένοσ, ποταμόν τε περάσασ Ιὀρδάνην θερμοῖσ τοῖσ κατὰ Καλλιρρόην αὑτὸν παρεδίδου, ἅπερ σὺν τῇ ἐσ πάντα ἀρετῇ καὶ πότιμά ἐστιν· ἔξεισιν δὲ τὸ ὕδωρ τοῦτο εἰσ λίμνην τὴν ἀσφαλτοφόρον λεγομένην.