Flavius Josephus, Antiquitates Judaicae, Book 16 27:

καὶ περὶ Σινώπην τὴν ἐν Πόντῳ καταλαβὼν ἀπροσδόκητοσ μὲν ὤφθη ταῖσ ναυσὶ προσπλέων, ἄσμενοσ δὲ ἐφάνη πολλαί τε φιλοφρονήσεισ ἦσαν, ἅτε καὶ μεγίστην πίστιν εἰληφέναι δοκοῦντοσ εὐνοίασ καὶ φιλοστοργίασ τῆσ εἰσ αὐτὸν Ἀγρίππου, τοσοῦτον μὲν πλοῦν ἀνύσαντοσ τοῦ βασιλέωσ, οὐκ ἀπολειφθέντοσ δὲ τῆσ ἐκείνου χρείασ, ἣν μετὰ τοῦ καταλιπεῖν ἀρχὴν καὶ διοίκησιν οἰκείων πραγμάτων προυργιαιτέραν ἔθετο.