Flavius Josephus, Antiquitates Judaicae, Book 15 261:

κἀκεῖνοσ μὲν τυγχάνει τῆσ τιμῆσ. Ἡρώδησ δὲ γενόμενοσ ἐν Αἰγύπτῳ Καίσαρί τε μετὰ πλείονοσ παρρησίασ εἰσ λόγουσ ἦλθεν ὡσ ἤδη φίλοσ καὶ μεγίστων ἠξιώθη· τῶν τε γὰρ Κλεοπάτραν δορυφορούντων Γαλατῶν τετρακοσίοισ αὐτὸν ἐδωρήσατο καὶ τὴν χώραν ἀπέδωκεν αὐτῷ πάλιν, ἣν δι’ ἐκείνησ ἀφῃρέθη. προσέθηκεν δὲ καὶ τῇ βασιλείᾳ Γάδαρα καὶ Ἵππον καὶ Σαμάρειαν ἔτι δὲ τῆσ παραλίου Γάζαν καὶ Ἀνθηδόνα καὶ Ιὄπην καὶ Στράτωνοσ πύργον.