Flavius Josephus, Antiquitates Judaicae, Book 13 85:

ἀντέγραψαν γὰρ οὕτωσ· "βασιλεὺσ Πτολεμαῖοσ καὶ βασίλισσα Κλεοπάτρα Ὀνίᾳ χαίρειν. ἀνέγνωμέν σου τὴν ἐπιστολὴν ἀξιοῦντοσ ἐπιτραπῆναί σοι τὸ ἐν Λεόντων πόλει τοῦ Ἡλιοπολίτου ἱερὸν συμπεπτωκὸσ ἀνακαθᾶραι, προσαγορευόμενον δὲ τῆσ ἀγρίασ Βουβάστεωσ. διὸ καὶ θαυμάζομεν, εἰ ἔσται τῷ θεῷ κεχαρισμένον τὸ καθιδρυσόμενον ἱερὸν ἐν ἀσελγεῖ τόπῳ καὶ πλήρει ζῴων ἱερῶν.