Flavius Josephus, Antiquitates Judaicae, Book 9 278:

ἐπεὶ δὲ κατειλημμένην τὴν ὄψιν τοῦ βασιλέωσ ὑπὸ τῆσ λέπρασ εἶδον οἱ ἱερεῖσ, ἔφραζόν τε αὐτῷ τὴν συμφορὰν καὶ ἐκέλευον ἐξιέναι τῆσ πόλεωσ ὡσ ἐναγῆ. ὁ δ’ ὑπ’ αἰσχύνησ τε τοῦ συμβεβηκότοσ δεινοῦ καὶ τοῦ μηκέτ’ αὐτῷ παρρησίαν εἶναι τὸ κελευόμενον ἐποίει, τῆσ ὑπὲρ ἄνθρωπον διανοίασ καὶ τῶν διὰ τοῦτο εἰσ τὸν θεὸν ἀσεβημάτων ταλαίπωρον οὕτωσ καὶ οἰκτρὰν ὑπομείνασ δίκην.