Flavius Josephus, Antiquitates Judaicae, Book 8 234:

ἐπεκόσμουν δὲ αὐτοὺσ καὶ οἱ ἀναβαίνοντεσ νεότητι μὲν πρῶτον ἀνθοῦντεσ ἐπιτερπεστάτῃ τὸ δὲ ὕψοσ ὄντεσ περίοπτοι καὶ πολὺ τῶν ἄλλων ὑπερέχοντεσ, μηκίστασ μὲν καθειμένοι χαίτασ ἐνδεδυμένοι δὲ χιτῶνασ τῆσ Τυρίασ πορφύρασ. ψῆγμα δὲ χρυσοῦ καθ’ ἡμέραν αὐτῶν ἐπέσηθον ταῖσ κόμαισ, ὡσ στίλβειν αὐτῶν τὰσ κεφαλὰσ τῆσ αὐγῆσ τοῦ χρυσοῦ πρὸσ τὸν ἥλιον ἀντανακλωμένησ.