Flavius Josephus, Antiquitates Judaicae, Book 7 148:

συνέντεσ δὲ οἵ τε ἀναγκαῖοι καὶ οἱ ἡγεμόνεσ, ὅτι παρεσπονδήκασι καὶ δίκην ὑπὲρ τούτων ὀφείλουσι, προπαρασκευάζονται εἰσ τὸν πόλεμον· καὶ πέμψαντεσ πρὸσ Σύρον τὸν τῶν Μεσοποταμιτῶν βασιλέα χίλια τάλαντα σύμμαχον αὐτὸν ἐπὶ τούτῳ γενέσθαι τῷ μισθῷ παρεκάλεσαν καὶ Σουβάν· ἦσαν δὲ τοῖσ βασιλεῦσι τούτοισ πεζοῦ δύο μυριάδεσ. προσεμισθώσαντο δὲ καὶ τὸν ἐκ τῆσ Μιχᾶσ καλουμένησ χώρασ βασιλέα καὶ τέταρτον Ἴστοβον ὄνομα, καὶ τούτουσ ἔχοντασ μυρίουσ καὶ δισχιλίουσ ὁπλίτασ.