Flavius Josephus, Antiquitates Judaicae, Book 6 463:

Τῶν δὲ Παλαιστίνων συμβαλόντων καὶ καρτερᾶσ μάχησ γενομένησ νικῶσιν οἱ Παλαιστῖνοι καὶ πολλοὺσ ἀναιροῦσι τῶν ἐναντίων, Σαοῦλοσ δὲ ὁ τῶν Ἰσραηλιτῶν βασιλεὺσ καὶ οἱ παῖδεσ αὐτοῦ γενναίωσ ἀγωνιζόμενοι καὶ πάσῃ προθυμίᾳ χρώμενοι, ὡσ ἐν μόνῳ τῷ καλῶσ ἀποθανεῖν καὶ παραβόλωσ διακινδυνεῦσαι τοῖσ πολεμίοισ τῆσ ὅλησ αὐτοῖσ δόξησ ἀποκειμένησ, οὐδὲν γὰρ τούτου περισσότερον εἶχον, ἐπιστρέφουσι πᾶσαν εἰσ αὑτοὺσ τὴν τῶν ἐχθρῶν φάλαγγα καὶ περικυκλωθέντεσ ἀποθνήσκουσι πολλοὺσ τῶν Παλαιστίνων καταβαλόντεσ.