Flavius Josephus, Antiquitates Judaicae, Book 6 236:

ὁ δὲ Δαβίδησ βαρυνόμενοσ ὑπὸ τῶν ὅπλων, οὐκ ἐγεγύμναστο γὰρ οὐδ’ ἐμεμαθήκει φέρειν ὅπλα, "ταῦτα μέν, εἶπεν, ὦ βασιλεῦ, σὸσ ἔστω κόσμοσ τοῦ βαστάζειν δυναμένου, συγχώρησον δὲ ὡσ δούλῳ σου καὶ ὡσ ἐγὼ βούλομαι μαχεσθῆναι. " τίθησιν οὖν τὰ ὅπλα καὶ τὴν βακτηρίαν ἀράμενοσ καὶ πέντε λίθουσ ἐκ τοῦ χειμάρρου βαλὼν εἰσ τὴν πήραν τὴν ποιμενικὴν καὶ σφενδόνην ἐν τῇ δεξιᾷ χειρὶ φέρων ἐπὶ τὸν Γολίαθον ἐπορεύετο.