Flavius Josephus, Antiquitates Judaicae, Book 6 149:

Τῶν δὲ τοῦ Σαούλου κατασκόπων τεταράχθαι τὸ στρατόπεδον τῶν Παλαιστίνων φρασάντων τῷ βασιλεῖ Σαοῦλοσ ἠρώτα, μή τισ εἰή τῶν αὑτοῦ κεχωρισμένοσ. ἀκούσασ δὲ τὸν υἱὸν καὶ σὺν αὐτῷ τὸν ὁπλοφόρον ἀπεῖναι κελεύει τὸν ἀρχιερέα λαβόντα τὴν ἀρχιερατικὴν στολὴν προφητεύειν αὐτῷ περὶ τῶν μελλόντων. τοῦ δὲ νίκην ἔσεσθαι καὶ κράτοσ κατὰ τῶν πολεμίων φράσαντοσ ἐπεξέρχεται τοῖσ Παλαιστίνοισ καὶ τεταραγμένοισ προσβάλλει καὶ φονεύουσιν ἀλλήλουσ.