헬라어 문장 검색 - Διονψσ́ΔεΤηυξψ́54́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 54)

θήσω δ’ ἐξ ἀμφοτέρων παραδείγματα, πολλῶν ὄντων ὀλίγα καὶ τοῖσ ἀνεγνωκόσι τὸν ἄνδρα ἀρκοῦντα. ἔστι δή τισ αὐτῷ δημηγορία τὴν μὲν ὑπόθεσιν ἔχουσα περὶ τοῦ πρὸσ βασιλέα πολέμου, παρακαλοῦσα δὲ τοὺσ Ἀθηναίουσ μὴ προχείρωσ αὐτὸν ἄρασθαι, ὡσ οὔτε τῆσ οἰκείασ αὐτῶν δυνάμεωσ ἀξιομάχου πρὸσ τὴν τοῦ βασιλέωσ ὑπαρχούσησ οὔτε τῆσ συμμαχικῆσ πιστῶσ καὶ βεβαίωσ τῶν κινδύνων ἀντιληψομένησ· παρακαλεῖ τε αὐτοὺσ παρασκευασαμένουσ τὴν ἑαυτῶν δύναμιν φανεροὺσ εἶναι τοῖσ Ἕλλησιν, ὅτι τὸν ὑπὲρ τῆσ ἁπάντων ἐλευθερίασ κίνδυνον ὑπομενοῦσιν, ἐάν τισ ἐπ’ αὐτοὺσ ἰῄ· πρὸ δὲ τοῦ παρασκευάσασθαι πρέσβεισ οὐκ ἐᾷ πρὸσ τοὺσ Ἕλληνασ ἀποστέλλειν τοὺσ καλέσοντασ αὐτοὺσ ἐπὶ τὸν πόλεμον, ὡσ οὐχ ὑπακουσομένουσ. τοῦτο λαβὼν τὸ νόημα κατεσκεύακέν τε καὶ ἐσχημάτικεν οὕτωσ· τότε δέ, ἐὰν ἄρα ἃ νῦν οἰόμεθα ἡμεῖσ πράττητε, οὐδεὶσ δήπου τῶν πάντων Ἑλλήνων τηλικοῦτον ἐφ’ ἑαυτῷ φρονεῖ, ὅστισ ὁρῶν χιλίουσ ἱππέασ, ὁπλίτασ δὲ ὅσουσ ἂν ἐθέλῃ τισ, ναῦσ δὲ τριακοσίασ οὐχ ἥξει καὶ δεήσεται, μετὰ τούτων ἀσφαλέστατ’ ἂν ἡγούμενοσ σωθῆναι· οὐκοῦν ἐκ μὲν τοῦ καλεῖν ἤδη τὸ δεῖσθαι κἂν μὴ τύχητε ἐφαμαρτεῖν, ἐκ δὲ τοῦ μετὰ τοῦ παρασκευάσασθαι τὰ ὑμέτερα αὐτῶν ἐπισχεῖν δεομένουσ σῴζειν καὶ εὖ εἰδέναι πάντασ ἥξοντασ ἔστι. ταῦτα ἐξήλλακται μὲν ἐκ τῆσ πολιτικῆσ καὶ συνήθουσ τοῖσ πολλοῖσ ἀπαγγελίασ, καὶ κρείττονά ἐστιν ἢ κατὰ τὸν ἰδιώτην· οὐ μὴν ἐσκότισταί γε οὐδὲ ἀσαφῆ γέγονεν ὥστε ἐξηγήσεωσ δεῖσθαι. ἀρξάμενόσ τε ὑπὲρ τῆσ παρασκευῆσ λέγειν ταῦτα ἐπιτίθησιν· ἔστι δὲ πρῶτον τῆσ παρασκευῆσ, ὦ ἄνδρεσ Ἀθηναῖοι, καὶ μέγιστον, οὕτω διακεῖσθαι τὰσ γνώμασ ὑμᾶσ, ὡσ ἕκαστον ἑκόντα προθύμωσ ὅ τι ἂν δέῃ ποιήσοντα.

ὁρᾶτε γάρ, ὦ ἄνδρεσ Ἀθηναῖοι, ὅτι ὅσα μὲν πώποτε ἐβουλήθητε καὶ μετὰ ταῦτα τὸ πράττειν αὐτὸσ ἕκαστοσ ἑαυτῷ προσήκειν ἡγήσατο, οὐδὲν πώποτε ὑμᾶσ ἐξέφυγεν· ὅσα δ’ ἐβουλήθητε μέν, μετὰ ταῦτα δὲ ἀπεβλέψατε εἰσ ἀλλήλουσ, ὡσ αὐτὸσ μὲν οὐ ποιήσων, τὸν δὲ πλησίον τὰ δέοντα πράξοντα, οὐδὲν πώποτε ὑμῖν ἐγένετο. καὶ γὰρ ἐνταῦθα πέπλεκται μὲν ἡ διάνοια πολυπλόκωσ, λέλεκται δ’ ἐκ τῆσ κοινότητοσ εἰσ τὴν ἀσυνήθη φράσιν ἐκβεβηκότα, φυλάττεται δὲ τὸ περιττὸν αὐτῶν ἐν τῷ σαφεῖ. ἐν δὲ τῇ μεγίστῃ τῶν κατὰ Φιλίππου δημηγοριῶν καὶ τὴν ἀρχὴν εὐθὺσ οὕτωσ κατεσκεύακεν· πολλῶν, ὦ ἄνδρεσ Ἀθηναῖοι, λόγων γιγνομένων ὀλίγου δεῖν καθ’ ἑκάστην ἐκκλησίαν, περὶ ὧν Φίλιπποσ ἀφ’ οὗ τὴν εἰρήνην ἐποιήσατο οὐ μόνον ὑμᾶσ, ἀλλὰ καὶ τοὺσ ἄλλουσ ἀδικεῖ· καὶ πάντων οἷδ’ ὅτι φησάντων γ’ ἄν, εἰ μὴ καὶ ποιοῦσι τοῦτο, καὶ λέγειν καὶ πράττειν, ὅπωσ ἐκεῖνοσ παύσεται τῆσ ὕβρεωσ καὶ δίκην δώσει, εἰσ τοῦτο ὑπηγμένα πάντα τὰ πράγματα καὶ προεἱμένα ὁρῶ, ὥστε δέδοικα μὴ βλάσφημον μὲν εἰπεῖν, ἀληθὲσ δέ·

εἰ καὶ λέγειν ἅπαντεσ ἐβούλονθ’ οἱ παριόντεσ καὶ χειροτονεῖν ὑμεῖσ ἐξ ὧν ὡσ φαυλότατα ἔμελλε τὰ πράγματα ἕξειν, οὐκ ἂν ἡγοῦμαι δύνασθαι χεῖρον ἢ νῦν διατεθῆναι. ὅμοια δὲ τούτοισ ἐστὶ κἀκεῖνα· εἶτ’ οἰέσθε, εἰ μὲν αὐτὸν μηδὲν ἐποίησαν κακόν, μὴ παθεῖν δὲ φυλάξαιντο ἴσωσ, τούτουσ μὲν ἐξαπατᾶν αἱρεῖσθαι μᾶλλον ἢ προλέγοντα βιάζεσθαι, ὑμῖν δ’ ἐκ προρρήσεωσ πολεμήσειν, καὶ ταῦθ’ ἑώσ ἂν ἑκόντεσ ἐξαπατᾶσθε; ἐν δὲ τῷ κρατίστῳ τῶν δικανικῶν, τῷ περὶ τοῦ στεφάνου γραφέντι λόγῳ τῆσ Φιλίππου δεινότητοσ, ᾗ κατεστρατηγήκει τὰσ πόλεισ, μνησθεὶσ οὕτω τὴν διάνοιαν ἐσχημάτικεν· καὶ οὐκέτι προστίθημι, ὅτι τῆσ μὲν ὠμότητοσ, ἣν ἐν οἷσ καθάπαξ τινῶν κατέστη κύριοσ ὁ Φίλιπποσ ἔστιν ἰδεῖν, ἑτέροισ πειραθῆναι συνέβη, τῆσ δὲ φιλανθρωπίασ, ἣν τὰ λοιπὰ τῶν πραγμάτων ἐκεῖνοσ περιβαλλόμενοσ πρὸσ ὑμᾶσ ἐπλάττετο, ὑμεῖσ καλῶσ ποιοῦντεσ τοὺσ καρποὺσ ἐκομίσασθε.

καὶ ἐν οἷσ τοὺσ προδιδόντασ τῷ Φιλίππῳ τὰ πράγματα πάντων αἰτίουσ ἀποφαίνει τῶν συμβεβηκότων τοῖσ Ἕλλησι κακῶν, κατὰ λέξιν οὕτωσ γράφει· καίτοι νὴ τὸν Ἡρακλέα καὶ πάντασ θεούσ, εἴ γ’ ἐπ’ ἀληθείασ δέοι σκοπεῖσθαι ἢ τὸ καταψεύδεσθαι καὶ δι’ ἔχθραν τι λέγειν ἀνελόντασ ἐκ μέσου, τίνεσ ὡσ ἀληθῶσ ἦσαν οἷσ ἂν εἰκότωσ καὶ δικαίωσ τὴν τῶν γεγενημένων αἰτίαν ἐπὶ τὴν κεφαλὴν ἀναθεῖεν ἅπαντεσ, τοὺσ ὁμοίουσ τούτῳ παρ’ ἑκάστῃ τῶν πόλεων εὑρ́οιτ’ ἄν, οὐχὶ τοὺσ ἐμοί· οἳ ὅτ’ ἦν ἀσθενῆ τὰ Φιλίππου πράγματα καὶ κομιδῇ μικρά, πολλάκι προλεγόντων ἡμῶν καὶ παρακαλούντων καὶ διδασκόντων τὰ βέλτιστα, τῆσ ἰδίασ ἕνεκ’ αἰσχροκερδείασ τὰ κοινῇ συμφέροντα προἱέντο, τοὺσ ὑπάρχοντασ ἑκάστοισ πολίτασ ἐξαπατῶντεσ καὶ διαφθείροντεσ, ἑώσ δούλουσ ἐποίησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 54

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 54)

상위

목록

SEARCH

MENU NAVIGATION