호흡부호 보기
강세부호 보기
장단부호 보기
작은 Iota 보기
모든 부호 보기
ῥητόρων δὲ Δημοσθένησ μόνοσ, ὥσπερ τῶν ἄλλων ὅσοι μέγα τι καὶ λαμπρὸν ἔδοξαν ποιεῖν ἐν λόγοισ, οὕτω καὶ Θουκυδίδου ζηλωτὴσ ἐγένετο κατὰ πολλὰ καὶ προσέθηκε τοῖσ πολιτικοῖσ λόγοισ παρ’ ἐκείνου λαβών, ἃσ οὔτε Ἀντιφῶν οὔτε Λυσίασ οὔτε Ἰσοκράτησ οἱ πρωτεύσαντεσ τῶν τότε ῥητόρων ἔσχον ἀρετάσ, τὰ τάχη λέγω καὶ τὰσ συστροφὰσ καὶ τοὺσ τόνουσ καὶ τὸ πικρὸν καὶ τὸ στριφνὸν καὶ τὴν ἐξεγείρουσαν τὰ πάθη δεινότητα· τὸ δὲ κατάγλωσσον τῆσ λέξεωσ καὶ ξένον καὶ ποιητικὸν οὐχ ἡγησάμενοσ ἐπιτήδεια τοῖσ ἀληθινοῖσ ἀγῶσι παρέλιπε, καὶ οὐδὲ τῶν σχημάτων τὸ πεπλανημένον ἐκ τῆσ κατὰ φύσιν ἀκολουθίασ καὶ τὸ σολοικοφανὲσ ἠγάπησεν, ἀλλ’ ἐν τοῖσ συνήθεσιν ἔμεινε, ταῖσ μεταβολαῖσ καὶ τῇ ποικιλίᾳ καὶ τῷ μηδὲν ἁπλῶσ ἀσχημάτιστον ἐκφέρειν νόημα κοσμῶν τὴν φράσιν. καὶ διὰ μακροῦ κομιζομένασ τὴν ἀκολουθίαν καὶ ἐκ παραδόξου τὰ ἐνθυμήματα φερούσασ ἐζήλωσέν τε καὶ προσέθηκε τοῖσ τε δημηγορικοῖσ καὶ τοῖσ δικανικοῖσ λόγοισ, ἧττον μὲν ἐπὶ τῶν ἰδιωτικῶν, δαψιλέστερον δὲ ἐπὶ τῶν δημοσίων ἀγώνων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기