헬라어 문장 검색 - Διονψσ́ΔεΤηυξψ́45́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 45)

τούτοισ ἐπιτίθησιν ἔτι φορτικωτέραν διάνοιαν καὶ ἥκιστα τῷ παρόντι καιρῷ πρέπουσαν· καίτοι ἐμοὶ τοιούτῳ ἀνδρὶ ὀργίζεσθε, ὃσ οὐδενὸσ οἰόμαι ἥσσων εἶναι γνῶναί τε τὰ δέοντα καὶ ἑρμηνεῦσαι ταῦτα, φιλόπολίσ τε καὶ χρημάτων κρείσσων. θαυμαστὸν γάρ, εἰ Περικλῆσ ὁ μέγιστοσ τῶν τότε ῥητόρων ἠγνόει τοῦτο, ὃ μηδεὶσ ἂν τῶν ἐχόντων μέτριον νοῦν ἠγνόησεν, ὅτι πανταχῇ μὲν οἱ μὴ τεταμιευμένωσ ἐπαινοῦντεσ τὰσ ἑαυτῶν ἀρετὰσ ἐπαχθεῖσ τοῖσ ἀκούουσι φαίνονται, μάλιστα δ’ ἐν τοῖσ πρὸσ τὰ δικαστήρια καὶ τὰσ ἐκκλησίασ ἀγῶσιν, ἐν οἷσ γε δὴ μὴ περὶ τιμῶν αὐτοῖσ ἐστιν ἀλλὰ περὶ τιμωριῶν ὁ κίνδυνοσ· τότε γὰρ οὐκ ἐπαχθεῖσ μόνον εἰσὶν ἑτέροισ, ἀλλὰ καὶ δυστυχεῖσ ἑαυτοῖσ ἐκκαλούμενοι τὸν παρὰ τῶν πολλῶν φθόνον· ὅταν δὲ τοὺσ αὐτούσ τισ ἔχῃ δικαστάσ τε καὶ κατηγόρουσ, μυρίων αὐτῷ δεῖ δακρύων τε καὶ οἴκτων εἰσ αὐτὸ τοῦτο πρῶτον τὸ μετ’ εὐνοίασ ἀκουσθῆναι.

ὁ δὲ δημαγωγὸσ οὐκ ἀρκεῖται τούτοισ ἀλλ’ ἐπεξεργάζεταί τε τούτοισ καὶ μεταφράζει τὰ ῥηθέντα· ὅ τε γὰρ γνούσ φησί καὶ μὴ σαφῶσ διδάξασ ἐν ἴσῳ καὶ εἰ μὴ ἐνεθυμήθη, ὅ τ’ ἔχων ἀμφότερα, τῇ δὲ πόλει δύσνουσ οὐκ ἂν ὁμοίωσ τι οἰκείωσ φράζοι· προσόντοσ δὲ καὶ τοῦδε, χρήμασι δὲ νικωμένου, τὰ ξύμπαντα τούτου ἑνὸσ ἂν πωλοῖτο. οὐκ οἶδ’ ὅσ τισ ἂν ὁμολογήσειεν, ὥσπερ ἀληθῆ ταῦτα ἦν, οὕτωσ καὶ προσήκοντα εἶναι ὑπὸ Περικλέουσ ἐν Ἀθηναίοισ ἠρεθισμένοισ πρὸσ αὐτοὺσ λέγεσθαι. ἦν δέ γε οὐχ ἡ τῶν κρατίστων ἐνθυμημάτων τε καὶ νοημάτων εὑρ́εσισ αὐτὴ καθ’ ἑαυτὴν ἀξία σπουδῆσ, εἰ μὴ καὶ τοῖσ πράγμασιν εἰή προσήκοντα καὶ τοῖσ προσώποισ καὶ τοῖσ καιροῖσ καὶ τοῖσ ἄλλοισ ἅπασιν· ἀλλ’ ὥσπερ καὶ κατ’ ἀρχὰσ ἔφην, τὴν ἑαυτοῦ γνώμην ἀποδεικνύμενοσ ὁ συγγραφεύσ, ἣν εἶχε περὶ τῆσ Περικλέουσ ἀρετῆσ, παρὰ τόπον ἐοίκεν εἰρηκέναι ταῦτα. ἐχρῆν δέ γε αὐτὸν μὲν ὅ τι βούλεται περὶ τοῦ ἀνδρὸσ ἀποφαίνεσθαι, τῷ δὲ κινδυνεύοντι τοὺσ ταπεινοὺσ καὶ παραιτητικοὺσ τῆσ ὀργῆσ ἀποδοῦναι λόγουσ·

τοῦτο γὰρ ἦν πρέπον τῷ μιμεῖσθαι βουλομένῳ συγγραφεῖ τὴν ἀλήθειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 45

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 45)

상위

목록

SEARCH

MENU NAVIGATION