헬라어 문장 검색 - Διονψσ́ΔεΤηυξψ́34́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 34)

ἐπεὶ δὲ καὶ περὶ τῶν δημηγοριῶν αὐτοῦ τὰ δοκοῦντά μοι φανερὰ ποιήσειν ὑπεσχόμην, ἐν αἷσ οἰόνταί τινεσ τὴν ἄκραν τοῦ συγγραφέωσ εἶναι δύναμιν, διελόμενοσ καὶ ταύτην διχῇ τὴν θεωρίαν εἴσ τε τὸ πραγματικὸν μέροσ καὶ εἰσ τὸ λεκτικὸν χωρὶσ ὑπὲρ ἑκατέρου ποιήσομαι τὸν λόγον, ἀρξάμενοσ ἀπὸ τοῦ πραγματικοῦ. ἐν ᾧ πρώτην μὲν ἔχει μοῖραν ἡ τῶν ἐνθυμημάτων τε καὶ νοημάτων εὑρ́εσισ, δευτέραν δὲ ἡ τῶν εὑρεθέντων χρῆσισ· ἐκείνη μὲν ἐν τῇ φύσει μᾶλλον ἔχουσα τὴν ἰσχύν, αὕτη δὲ ἐν τῇ τέχνῃ. τούτων ἣ μὲν πλέον ἔχουσα τοῦ τεχνικοῦ τὸ φυσικὸν καὶ διδαχῆσ ἐλάττονοσ δεομένη θαυμαστή τίσ ἐστι παρὰ τῷ συγγραφεῖ· φέρει γὰρ ὥσπερ ἐκ πηγῆσ πλουσίασ ἄπειρόν τι χρῆμα νοημάτων τε καὶ ἐνθυμημάτων περιττῶν καὶ ξένων καὶ παραδόξων. ἣ δὲ πλεῖον ἔχουσα τὸ τεχνικὸν καὶ λαμπροτέραν ποιοῦσα φαίνεσθαι τὴν ἑτέραν ἐνδεεστέρα τοῦ δέοντοσ ἐπὶ πολλῶν. ὅσοι μὲν οὖν ἐκτεθαυμάκασιν αὐτὸν ὑπὲρ τὸ μέτριον, ὡσ μηδὲν τῶν θεοφορήτων διαφέρειν, διὰ τὸ πλῆθοσ ἐοίκασι τῶν ἐνθυμημάτων τοῦτ’ ἐσχηκέναι τὸ πάθοσ. οὓσ ἐὰν διδάσκῃ τισ ἐφ’ ἑκάστῳ πράγματι παρατιθεὶσ τὸν λόγον, ὅτι ταυτὶ μὲν οὐκ ἦν ἐπιτήδεια ἐν τούτῳ τῷ καιρῷ καὶ ὑπὸ τούτων τῶν προσώπων λέγεσθαι, ταυτὶ δ’ οὐκ ἐπὶ τούτοισ τοῖσ πράγμασιν οὐδὲ μέχρι τούτου, δυσχεραίνουσιν, ὅμοιόν τι πάσχοντεσ τοῖσ κεκρατημένοισ ὑφ’ οἱάσ δή τινοσ ὄψεωσ ἔρωτι μὴ πολὺ ἀπέχοντι μανίασ. ἐκεῖνοί τε γὰρ πάσασ τὰσ ἀρετάσ, ὁπόσαι γίνονται περὶ μορφὰσ εὐπρεπεῖσ, ταῖσ καταδεδουλωμέναισ αὑτοὺσ προσεῖναι νομίζουσι, καὶ τοὺσ ἐξονειδίζειν ἐπιχειροῦντασ, εἴ τι περὶ αὐτὰσ ὑπάρχει σίνοσ, ὡσ βασκάνουσ καὶ συκοφάνντασ προβέβληνται· οὗτοί τε ὑπὸ τῆσ μιᾶσ ταύτησ ἀρετῆσ κεκαρωμένοι τὴν διάνοιαν ἅπαντα καὶ τὰ μὴ προσόντα τῷ συγγραφεῖ μαρτυροῦσίν·

ἃ γὰρ ἕκαστοσ εἶναι βούλεται περὶ τὸ φιλούμενόν τε καὶ θαυμαζόμενον ὑφ’ ἑαυτοῦ, ταῦτα οἰέται. ὅσοι δ’ ἀδέκαστον τὴν διάνοιαν φυλάσσουσι καὶ τὴν ἐξέτασιν τῶν λόγων ἐπὶ τοὺσ ὀρθοὺσ κανόνασ ἀναφέρουσιν, εἴ τε φυσικῆσ τινοσ κρίσεωσ μετειληφότεσ εἴ τε καὶ διὰ διδαχῆσ ἰσχυρὰ τὰ κριτήρια κατασκευάσαντεσ, οὔτε ἅπαντα ἐπαινοῦσιν ἐπ’ ἴσησ οὔτε πρὸσ ἅπαντα δυσχεραίνουσιν, ἀλλὰ τοῖσ μὲν κατορθώμασι τὴν προσήκουσαν μαρτυρίαν ἀπονέμουσιν, εἰ δέ τι διημάρτηται μέροσ ἐν αὐτοῖσ, οὐκ ἐπαινοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 34

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 34)

상위

목록

SEARCH

MENU NAVIGATION