헬라어 문장 검색 - Διονψσ́ΔεΤηυξψ́33́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 33)

οὗτοσ ὁ χαρακτὴρ τῆσ ἀσαφοῦσ καὶ πεπλεγμένησ λέξεωσ, ἐν ᾗ πλείων ἔνεστι τῆσ θέλξεωσ ἡ σκοτίζουσα τὴν διάνοιαν ὄχλησισ, ἑώσ ἑκατὸν ἐκμηκύνεται στίχων. θήσω δὲ καὶ τὰ ἑξῆσ οὐδεμίαν ἔτι λέξιν ἐμαυτοῦ προστιθείσ· πάντων δ’ αὐτῶν αἴτιον ἀρχὴ ἡ διὰ πλεονεξίαν καὶ φιλοτιμίαν, ἐκ δ’ αὐτῶν καὶ ἐσ τὸ φιλονεικεῖν καθισταμένων τὸ πρόθυμον. οἱ γὰρ ἐν ταῖσ πόλεσι προστάντεσ, μετὰ ὀνόματοσ ἑκάτεροι εὐπρεποῦσ, πλήθουσ τε ἰσονομίασ πολιτικῆσ καὶ ἀριστοκρατίασ σώφρονοσ προτιμήσει, τὰ μὲν κοινὰ λόγῳ θεραπεύοντεσ ἆθλα ἐποιοῦντο· παντὶ δὲ τρόπῳ ἀγωνιζόμενοι ἀλλήλων περιγενέσθαι ἐτόλμησάν τε τὰ δεινότατα, ἐπεξῄεσάν τε τὰσ τιμωρίασ ἔτι μείζουσ, οὐ μέχρι τοῦ δικαίου καὶ τῇ πόλει ξυμφόρου προστιθέντεσ, ἐσ δὲ τὸ ἑκατέροισ που αἰεὶ ἡδονὴν ἔχον ὁρίζοντεσ· καὶ ἢ μετὰ ψήφου ἀδίκου καταγνώσεωσ ἢ χειρὶ κτώμενοι τὸ κρατεῖν ἕτοιμοι ἦσαν τὴν αὐτίκα φιλονεικίαν ἐκπιμπλάναι. ὥστ’ εὐσεβείᾳ μὲν οὐδέτεροι ἐνόμιζον, εὐπρεπείᾳ δὲ λόγου, οἷσ ξυμβαίη ἐπιφθόνωσ τι διαπράξασθαι, ἄμεινον ἤκουον· τὰ δὲ μέσα τῶν πολιτῶν ὑπ’ ἀμφοτέρων, ἢ ὅτι οὐκ ἐξηγωνίζοντο ἢ ὅτι φθόνῳ τοῦ περιεῖναι, διεφθείροντο. οὕτω πᾶσα ἰδέα κατέστη κακοτροπίασ διὰ τὰσ στάσεισ τῷ Ἑλληνικῷ· καὶ τὸ εὐήθεσ, οὗ τὸ γενναῖον πλεῖστον μετέχει, καταγελασθὲν ἠφανίσθη·

τὸ δὲ ἀντιτετάχθαι ἀλλήλοισ τῇ γνώμῃ ἀπίστωσ ἐπὶ πολὺ διήνεγκεν. οὐ γὰρ ἦν ὁ διαλύσων οὔτε λόγοσ ἐχυρὸσ οὔτε ὁρ́κοσ φοβερόσ. κρείττουσ δὲ ὄντεσ πάντεσ λογισμῷ ἐσ τὸ ἀνέλπιστον τοῦ βεβαίου μὴ παθεῖν μᾶλλον προεσκόπουν ἢ πιστεῦσαι ἐδύναντο. καὶ οἱ φαυλότεροι γνώμην ὡσ τὰ πλείω περιεγίγνοντο. τῷ γὰρ δεδιέναι τό τε αὑτῶν ἐνδεὲσ καὶ τὸ τῶν ἐναντίων ξυνετόν, μὴ λόγοισ τε ἥττουσ ὦσι καὶ ἐκ τοῦ πολυτρόπου αὐτῶν τῆσ γνώμησ φθάσωσι προεπιβουλευόμενοι, τολμηρῶσ πρὸσ τὰ ἔργα ἐχώρουν· οἱ δὲ καταφρονοῦντεσ κἂν προαισθέσθαι, καὶ ἔργῳ οὐδὲν σφᾶσ δεῖν λαμβάνειν, ἃ γνώμῃ ἔξεστιν, ἄφρακτοι μᾶλλον διεφθείροντο. ἐστὶν ἐν τοῖσ διηγήμασιν, ὅταν ἐν τῷ συνήθει καὶ κοινῷ τῆσ διαλέκτου χαρακτῆρι μένῃ, χείρων δέ, ὅταν ἐκτρέψῃ τὴν διάλεκτον ἐκ τῆσ συνήθουσ ἐπὶ τὰ ξένα ὀνόματα καὶ βεβιασμένα σχήματα, ὧν ἔνια σολοικισμῶν παρέχεται δόξαν, ἀρκεσθήσομαι τούτοισ, ἵνα μὴ περαιτέρω τοῦ δέοντοσ ἡ γραφή μοι προβῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 33

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 33)

상위

목록

SEARCH

MENU NAVIGATION