헬라어 문장 검색 - Διονψσ́ΔεΤηυξψ́29́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 29)

ἃ δὲ τούτοισ ἐπιφέρει, σκολιὰ καὶ δυσπαρακολούθητα καὶ τὰσ τῶν σχηματισμῶν πλοκὰσ σολοικοφανεῖσ ἔχοντα καὶ οὔτε τοῖσ κατ’ ἐκεῖνον τὸν βίον γενομένοισ ἐπιτηδευθέντα οὔτε τοῖσ ὕστερον, ὅτε μάλιστα ἤκμασεν ἡ πολιτικὴ δύναμισ· ἃ μέλλω νυνὶ λέγειν· ἐστασίαζέν τε οὖν τὰ τῶν πόλεων, καὶ τὰ ἐφυστερίζοντά που ἐπιπύστει τῶν προγενομένων πολὺ ἐπέφερε τὴν ὑπερβολὴν τοῦ καινοῦσθαι τὰσ διανοίασ τῶν τ’ ἐπιχειρήσεων περιτεχνήσει καὶ τῶν τιμωριῶν ἀτοπίᾳ. ἐν τούτοισ τὸ μὲν πρῶτον τῶν κώλων περιπέφρασται πρὸσ οὐδὲν ἀναγκαῖον· ἐστασίαζέ τε οὖν τὰ τῶν πόλεων· ὑγιέστερον γὰρ ἦν εἰπεῖν ἐστασίαζον αἱ πόλεισ. τὸ δ’ ἐπὶ τούτῳ λεγόμενον· καὶ τὰ ἐφυστερίζοντά ποὐ δυσείκαστόν ἐστι· σαφέστερον δ’ ἂν ἐγένετο ῥηθὲν οὕτωσ· αἱ δ’ ὑστεροῦσαι πόλεισ. οἷσ ἐπίκειται· ἐπιπύστει τῶν προγεγενημένων πολὺ ἐπέφερε τὴν ὑπερβολὴν ἐσ τὸ καινοῦσθαι τὰσ διανοίασ· βούλεται μὲν γὰρ λέγειν· οἱ δὲ ὑστερίζοντεσ ἐπιπυνθανόμενοι τὰ γεγενημένα παρ’ ἑτέροισ ἐλάμβανον ὑπερβολὴν ἐπὶ τὸ διανοεῖσθαί τι καινότερον· χωρὶσ δὲ τῆσ πλοκῆσ οὐδὲ οἱ τῶν ὀνομάτων σχηματισμοὶ ταῖσ ἀκοαῖσ εἰσιν ἡδεῖσ. τούτοισ ἐπιφέρει κεφάλαιον ἄλλο ποιητικῆσ, μᾶλλον δὲ διθυραμβικῆσ σκευωρίασ οἰκειότερον· τῶν τ’ ἐπιχειρήσεων ἐπιτεχνήσει καὶ τῶν τιμωριῶν ἀτοπίᾳ·

καὶ τὴν εἰωθυῖαν τῶν ὀνομάτων ἀξίωσιν ἐσ τὰ ἔργα ἀντήλλαξαν τῇ δικαιώσει. ὃ γὰρ βούλεται δηλοῦν ἐν τῇ δυσεξελίκτῳ πλοκῇ, τοιοῦτόν ἐστι· πολλὴν τὴν ἐπίδοσιν ἐλάμβανον εἰσ τὸ διανοεῖσθαί τι καινότερον περὶ τὰσ τέχνασ τῶν ἐγχειρημάτων καὶ περὶ τὰσ ὑπερβολὰσ τῶν τιμωριῶν· τά τε εἰωθότα ὀνόματα ἐπὶ τοῖσ πράγμασι λέγεσθαι μετατιθέντεσ ἄλλωσ ἠξίουν αὐτὰ καλεῖν. ἡ δ’ ἐπιτέχνησισ καὶ ἡ τῶν τιμωριῶν ἀτοπία καὶ ἡ εἰωθυῖα τῶν ὀνομάτων ἀξίωσισ καὶ ἡ εἰσ τὰ ἔργα ἀντηλλαγμένη δικαίωσισ περιφράσεωσ ποιητικῆσ ἐστιν οἰκειοτέρα. οἷσ ἐπιτίθησι τὰ θεατρικὰ σχήματα ταυτί· τόλμα μὲν γὰρ ἀλόγιστοσ ἀνδρία φιλέταιροσ ἐνομίσθη, μέλλησισ δὲ προμηθὴσ δειλία εὐπρεπήσ· παρομοιώσεισ γὰρ ἀμφότερα ταῦτα καὶ παρισώσεισ περιέχει, καὶ τὰ ἐπίθετα καλλωπισμοῦ χάριν κεῖται· τὸ γὰρ οὔτε θεατρικὸν ἀλλ’ ἀναγκαῖον τῆσ λέξεωσ σχῆμα τοιοῦτ’ ἂν ἦν·

τὴν μὲν γὰρ τόλμαν ἀνδρίαν ἐκάλουν, τὴν δὲ μέλλησιν δειλίαν. ὅμοια δὲ τούτοισ ἐστὶ καὶ τὰ συναπτόμενα· τὸ δὲ σῶφρον τοῦ ἀνάνδρου πρόσχημα, καὶ τὸ πρὸσ ἅπαν συνετὸν ἐπὶ πᾶν ἀργόν· κυριώτερον δ’ ἂν οὕτωσ ἐλέχθη· οἱ δὲ σώφρονεσ ἄνανδροι, καὶ οἱ συνετοὶ πρὸσ ἅπαντα ἐν ἅπασιν ἀργοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 29

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 29)

상위

목록

SEARCH

MENU NAVIGATION