헬라어 문장 검색 - Διονψσ́ΔεΤηυξψ́26́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 26)

ὑπεξαιρουμένησ δὲ τῆσ περιγραφῆσ πάσησ, τἆλλα πάντα ὠνόμασταί τε τοῖσ προσφυεστάτοισ ὀνόμασι καὶ περιείληπται τοῖσ ἐπιτηδειοτάτοισ σχηματισμοῖσ, ἀρετῆσ τε οὐδεμιᾶσ ὡσ εἰπεῖν οὔτε λεκτικῆσ οὔτε πραγματικῆσ ἐνδεῶσ ἔσχηκεν· ἃσ οὐδὲν δέομαι πάλιν ἐξαριθμεῖσθαι. ἐν δὲ τῇ ἑβδόμῃ βύβλῳ τὴν ἐσχάτην ναυμαχίαν Ἀθηναίων καὶ Συρακοσίων ἀφηγούμενοσ οὕτωσ ὠνόμακέ τε καὶ ἐσχημάτικε τὰ πραχθέντα· ὁ δὲ Δημοσθένησ καὶ Μένανδροσ καὶ Εὐθύδημοσ οὗτοι γὰρ ἐπὶ τὰσ ναῦσ τῶν Ἀθηναίων στρατηγοὶ ἐπέβησαν ἄραντεσ ἀπὸ τοῦ ἑαυτῶν στρατοπέδου εὐθὺσ ἔπλεον πρὸσ τὸ ζεῦγμα τοῦ λιμένοσ καὶ τὸν παραλειφθέντα διέκπλουν, βουλόμενοι βιάσασθαι ἐσ τὸ ἔξω. προεξαναγόμενοι δὲ οἱ Συρακόσιοι καὶ οἱ ξύμμαχοι ναυσὶ παραπλησίαισ τὸν ἀριθμὸν καὶ πρότερον κατά τε τὸν ἔκπλουν μέρει αὐτῶν ἐφύλασσον καὶ κατὰ τὸν ἄλλον κύκλῳ λιμένα, ὅπωσ πανταχόθεν ἅμα προσπίπτοιεν τοῖσ Ἀθηναίοισ· καὶ ὁ πεζὸσ αὐτοῖσ ἅμα παρεβοήθει, ᾗπερ καὶ αἱ νῆεσ κατίσχυον. ἦρχον δὲ τοῦ ναυτικοῦ τοῖσ Συρακοσίοισ Σικανὸσ μὲν καὶ Ἀγάθαρχοσ, κέρασ ἑκάτεροσ τοῦ παντὸσ ἔχων, Πυθὴν δὲ καὶ οἱ Κορίνθιοι τὸ μέσον. ἐπειδὴ δὲ καὶ οἱ ἄλλοι Ἀθηναῖοι προσέμισγον τῷ ζεύγματι, τῇ μὲν πρώτῃ ῥύμῃ ἐπιπλέοντεσ ἐκράτουν τῶν τεταγμένων νεῶν πρὸσ αὐτῷ καὶ ἐπειρῶντο λύειν τὰσ κλείσεισ· μετὰ δὲ τοῦτο πανταχόθεν σφίσι τῶν Συρακοσίων καὶ τῶν συμμάχων ἐπιφερομένων οὐ μόνον πρὸσ τῷ ζεύγματι ἡ ναυμαχία, ἀλλὰ καὶ κατὰ τὸν λιμένα ἐγίγνετο· καὶ ἦν καρτερὰ καὶ οἱά οὐχ ἑτέρα τῶν πρότερον. πολλὴ μὲν γὰρ ἑκατέροισ προθυμία ἀπὸ τῶν ναυτῶν ἐσ τὸ ἐπιπλεῖν, ὁπότε κελευσθείη, ἐγίγνετο, πολλὴ δ’ ἡ ἀντιτέχνησισ τῶν κυβερνητῶν καὶ ἀγωνισμὸσ πρὸσ ἀλλήλουσ, οἵ τε ἐπιβάται ἐθεράπευον, ὅτε προσπέσοι ναῦσ νηί, μὴ λείπεσθαι τὰ ἀπὸ τοῦ καταστρώματοσ τῆσ ἄλλησ τέχνησ, πᾶσ τέ τισ ἐν ᾧ προσετέτακτο αὐτὸσ ἕκαστοσ ἠπείγετο πρῶτοσ φαίνεσθαι. ξυμπεσουσῶν δ’ ἐν ὀλίγῳ πολλῶν νεῶν πλεῖσται γὰρ δὴ αὗται ἐν ὀλίγῳ ἐναυμάχησαν·

βραχὺ γὰρ ἀπέλιπον ξυναμφότεραι διακόσιαι γενέσθαι αἱ μὲν ἐκβολαὶ διὰ τὸ μὴ εἶναι τὰσ ἀνακρούσεισ καὶ διέκπλουσ ὀλίγαι ἐγίγνοντο· αἱ δὲ προσβολαί, ὡσ τύχοι ναῦσ νηὶ προσπεσοῦσα ἢ διὰ τὸ φυγεῖν ἢ ἄλλῃ ἐπιπλέουσα, πυκνότεραι ἦσαν. καὶ ὅσον μὲν χρόνον προσφέροιτο ναῦσ, οἱ ἀπὸ τῶν καταστρωμάτων τοῖσ ἀκοντίοισ καὶ τοξεύμασι καὶ λίθοισ ἀφθόνοισ ἐπ’ αὐτὴν ἐχρῶντο· ἐπειδὴ δὲ προσμίξειαν, οἱ ἐπιβάται εἰσ χεῖρασ ἰόντεσ ἐπειρῶντο ταῖσ ἀλλήλων ναυσὶν ἐπιβαίνειν. συνετύγχανέ τε πολλαχοῦ διὰ τὴν στενοχωρίαν τὰ μὲν ἄλλοισ ἐμβεβληκέναι, τὰ δὲ αὐτοὺσ ἐμβεβλῆσθαι, δύο τε περὶ μίαν καὶ ἔστιν ᾗ καὶ πλείουσ ναῦσ κατ’ ἀνάγκην ξυνηρτῆσθαι·

καὶ τοῖσ κυβερνήταισ τῶν μὲν φυλακήν, τῶν δ’ ἐπιβουλὴν μὴ καθ’ ἓν ἕκαστον, κατὰ πολλὰ δὲ πανταχόθεν περιεστάναι, καὶ τὸν κτύπον μέγαν ἀπὸ πολλῶν νεῶν συμπιπτουσῶν, ἔκπληξίν τε ἅμα καὶ ἀποστέρησιν τῆσ ἀκοῆσ ὧν οἱ κελευσταὶ ἐφθέγγοντο παρέχειν. πολλὴ γὰρ ἑτέρα ἡ παρακέλευσισ καὶ ἡ βοὴ ἀφ’ ἑκατέρων τοῖσ κελευσταῖσ κατά τε τὴν τέχνην καὶ πρὸσ τὴν ναυτικὴν φιλονεικίαν ἐγίγνετο· τοῖσ μὲν Ἀθηναίοισ βιάζεσθαί τε τὸν ἔκπλουν ἐπιβοῶντεσ, καὶ περὶ τῆσ ἐσ τὴν πατρίδα σωτηρίασ νῦν, εἴ ποτε, προθύμωσ ἀντιλαμβάνεσθαι· τοῖσ δὲ Συρακοσίοισ καὶ ξυμμάχοισ καλὸν εἶναι κωλῦσαί τε αὐτοὺσ διαφυγεῖν, καὶ τὴν οἰκείαν ἑκάστουσ πατρίδα νικήσαντασ ἐπαυξῆσαι· καὶ οἱ στρατηγοὶ προσέτι ἑκατέρων, εἴ τινά που ὁρῷεν μὴ κατ’ ἀνάγκην πρύμναν κρουόμενον ἀνακαλοῦντεσ ὀνομαστὶ τὸν τριήραρχον ἠρώτων, οἱ μὲν Ἀθηναῖοι, εἰ τὴν πολεμιωτάτην γῆν οἰκειοτέραν ἤδη τῆσ οὐ δι’ ὀλίγου πόνου ἐκτημένησ θαλάσσησ ἡγούμενοι ἀποχωροῦσιν·

οἱ δὲ Συρακόσιοι, εἰ οὓσ σαφῶσ ἴσασι προθυμουμένουσ Ἀθηναίουσ παντὶ τρόπῳ διαφυγεῖν, τούτουσ αὐτοὶ φεύγοντασ φεύγουσιν. ὅ τ’ ἐκ τῆσ γῆσ πεζὸσ ἀμφοτέρων ἰσορρόπου τῆσ ναυμαχίασ καθεστηκυίασ πολὺν τὸν ἀγῶνα καὶ ξύστασιν τῆσ γνώμησ εἶχε, φιλονεικῶν μὲν ὁ αὐτόθεν περὶ τοῦ πλείονοσ ἤδη καλοῦ, δεδιότεσ δὲ οἱ ἐπελθόντεσ, μὴ τῶν παρόντων ἔτι χείρω πράξωσι. πάντων γὰρ δὴ ἀνακειμένων τοῖσ Ἀθηναίοισ ἐσ τὰσ ναῦσ ὅ τε φόβοσ ἦν ὑπὲρ τοῦ μέλλοντοσ οὐδενὶ ἐοικὼσ καὶ διὰ τὸ ἀνώμαλον καὶ τὴν ἔποψιν τῆσ ναυμαχίασ ἐκ τῆσ γῆσ ἠναγκάζοντο ἔχειν· δι’ ὀλίγου γὰρ οὔσησ τῆσ θέασ καὶ οὐ πάντων ἅμα ἐσ τὸ αὐτὸ σκοπούντων, εἰ μέν τινεσ ἴδοιέν πῃ τοὺσ σφετέρουσ ἐπικρατοῦντασ, ἀνεθάρσησάν τε ἂν καὶ πρὸσ ἀνάκλησιν θεῶν μὴ στερῆσαι σφᾶσ τῆσ σωτηρίασ ἐτρέποντο·

οἳ δὲ ἐπὶ τὸ ἡσσώμενον βλέψαντεσ ὀλοφυρμῷ τε ἅμα μετὰ βοῆσ ἐχρῶντο καὶ ἀπὸ τῶν δρωμένων τῆσ ὄψεωσ καὶ τὴν γνώμην μᾶλλον τῶν ἐν τῷ ἔργῳ ἐδουλοῦντο· ἄλλοι δὲ καὶ πρὸσ ἀντίπαλόν τι τῆσ ναυμαχίασ ἀπιδόντεσ διὰ τὸ ἀκρίτωσ ξυνεχὲσ τῆσ ἁμίλλησ καὶ τοῖσ σώμασιν αὐτοῖσ ἴσα τῇ δόξῃ περιδεῶσ ξυναπονεύοντεσ ἐν τοῖσ χαλεπώτατα διῆγον· ἀεὶ γὰρ παρ’ ὀλίγον ἢ διέφευγον ἢ ἀπώλλυντο. ἦν τε ἐν τῷ στρατεύματι τῶν Ἀθηναίων, ἑώσ ἀγχώμαλα ἐναυμάχουν, πάντα ὁμοῦ ἀκοῦσαι, ὀλοφυρμὸσ βοή, νικῶντεσ κρατούμενοι, ἄλλα ὅσα ἐν μεγάλῳ κινδύνῳ μέγα στρατόπεδον πολυειδῆ ἀναγκάζοιτο φθέγγεσθαι. παραπλήσια δὲ καὶ οἱ ἐπὶ τῶν νεῶν αὐτοῖσ ἔπασχον, πρίν γε δὴ οἱ Συρακόσιοι καὶ οἱ ξύμμαχοι, ἐπὶ πολὺ ἀντισχούσησ τῆσ ναυμαχίασ, ἔτρεψάν τε τοὺσ Ἀθηναίουσ καὶ ἐπικείμενοι λαμπρῶσ, πολλῇ κραυγῇ καὶ διακελευσμῷ χρώμενοι, κατεδίωκον ἐσ τὴν γῆν.

τότε δὴ ὁ μὲν ναυτικὸσ στρατὸσ ἄλλοσ ἄλλῃ, ὅσοι μὴ μετέωροι ἑάλωσαν, κατενεχθέντεσ ἐξέπεσον ἐσ τὸ στρατόπεδον. ὁ δὲ πεζὸσ οὐκέτι διαφόρωσ, ἀλλ’ ἀπὸ μιᾶσ ὁρμῆσ οἰμωγῇ τε καὶ στόνῳ πάντεσ δυσανασχετοῦντεσ τὰ γιγνόμενα, οἳ μὲν ἐπὶ τὰσ ναῦσ παρεβοήθουν, οἳ δὲ πρὸσ τὸ λοιπὸν τοῦ τείχουσ ἐσ φυλακήν· ἄλλοι δὲ καὶ οἱ πλεῖστοι ἤδη περὶ σφᾶσ αὐτοὺσ καὶ ὅπῃ σωθήσονται διεσκόπουν. ἦν τε ἐν τῷ παραυτίκα οὐδεμιᾶσ δὴ τῶν ξυμπασῶν ἐλάσσων ἔκπληξισ. παραπλήσιά τε ἐπεπόνθεσαν καὶ ἔδρασαν αὐτοὶ ἐν Πύλῳ· διαφθαρεισῶν γὰρ τῶν νεῶν τοῖσ Λακεδαιμονίοισ προσαπώλλυντο αὐτοῖσ καὶ οἱ ἐν τῇ νήσῳ ἄνδρεσ διαβεβηκότεσ. καὶ τότε τοῖσ Ἀθηναίοισ ἀνέλπιστον ἦν τὸ κατὰ γῆν σωθήσεσθαι, ἢν μή τι παρὰ λόγον γίγνηται. γενομένησ δ’ ἰσχυρᾶσ τῆσ ναυμαχίασ καὶ πολλῶν νεῶν ἀμφοτέροισ καὶ ἀνδρῶν ἀπολομένων οἱ Συρακόσιοι καὶ οἱ ξύμμαχοι ἐπικρατήσαντεσ τά τε ναυάγια καὶ τοὺσ νεκροὺσ ἀνείλοντο καὶ ἀποπλεύσαντεσ πρὸσ τὴν πόλιν τρόπαιον ἔστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 26

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 26)

상위

목록

SEARCH

MENU NAVIGATION