Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 19 3:

ὥστε τὰ πολλὰ ἐκεῖνα καὶ καταβλητικὰ τοῦ μεγέθουσ τῆσ Ἑλλάδοσ οὐκ ἀναγκαίωσ αὐτῷ παρέλκεσθαι, ὅτι κατὰ τὸν Τρωικὸν πόλεμον οὔπω σύμπασα ἐκαλεῖτο ἑνὶ ὀνόματι ἡ Ἑλλάσ, καὶ ὅτι περαιοῦσθαι ναυσὶν ἐπ’ ἀλλήλουσ οἱ τροφῆσ ἀπορούμενοι ἤρξαντο καὶ προσπίπτοντεσ πόλεσιν ἀτειχίστοισ καὶ κατὰ κώμασ οἰκουμέναισ ἡρ́παζον καὶ τὸ πλεῖστον τοῦ βίου ἐντεῦθεν ἐποιοῦντο. τί δ’ ἦν ἀναγκαῖον περὶ τῆσ Ἀθηναίων τρυφῆσ, ᾗ τὸ παλαιὸν ἐχρῶντο, λέγειν, ὅτι κρωβύλουσ τε ἀνεπλέκοντο καὶ χρυσοῦσ τέττιγασ εἶχον ἐπὶ ταῖσ κεφαλαῖσ; καὶ ὅτι Λακεδαιμόνιοι ἐγυμνώθησάν τε πρῶτοι καὶ εἰσ τὸ φανερὸν ἀποδύντεσ λίπα μετὰ τοῦ γυμνάζεσθαι ἠλείψαντο; ὁ δὲ δὴ ναυπηγὸσ ὁ Κορίνθιοσ Ἀμεινοκλῆσ ὁ κατασκευάσασ Σαμίοισ πρῶτοσ τέτταρασ τριήρεισ, καὶ ὁ Σάμου τύραννοσ Πολυκράτησ ὁ Ῥήνειαν ἑλὼν καὶ ἀναθεὶσ τῷ Ἀπόλλωνι τῷ Δηλίῳ, καὶ οἱ Φωκαεῖσ οἱ Μασσαλίαν οἰκίσαντεσ ὅτι ναυμαχίᾳ Καρχηδονίουσ ἐνίκων, καὶ τὰ ἄλλα ὅσα τούτοισ ἐστὶν ὅμοια, τίνα καιρὸν εἶχε πρὸ τῆσ διηγήσεωσ λέγεσθαι;