헬라어 문장 검색 - Διονψσ́ΔεΤηυξψ́18́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 18)

ὁ δὲ δὴ περιβόητοσ ἐπιτάφιοσ, ὃν ἐν τῇ δευτέρᾳ βύβλῳ διελήλυθε, κατὰ τίνα δή ποτε λογισμὸν ἐν τούτῳ κεῖται τῷ τόπῳ μᾶλλον ἢ οὐκ ἐν ἑτέρῳ; εἴ τε γὰρ ἐν ταῖσ μεγάλαισ συμφοραῖσ τῆσ πόλεωσ, ἐν αἷσ Ἀθηναίων πολλοὶ καὶ ἀγαθοὶ μαχόμενοι διεφθάρησαν, τοὺσ εἰωθότασ ὀλοφυρμοὺσ ἐπ’ αὐτοῖσ ἐχρῆν λέγεσθαι, εἴ τ’ ἐπὶ ταῖσ μεγάλαισ εὐπραγίαισ, ἐξ ὧν δόξα τισ ἐπιφανὴσ ἢ δύναμισ ἐγένετο τῇ πόλει, τιμᾶσθαι τοῖσ ἐπιταφίοισ ἐπαίνοισ τοὺσ ἀποθανόντασ, ἐν ᾗ βούλεταί τισ μᾶλλον βύβλῳ ἢ ἐν ταύτῃ τὸν ἐπιτάφιον ἡρ́μοττεν εἰρῆσθαι· ἐν ταύτῃ μὲν γὰρ οἱ κατὰ τὴν πρώτην τῶν Πελοποννησίων εἰσβολὴν πεσόντεσ Ἀθηναῖοι κομιδῇ τινεσ ἦσαν ὀλίγοι, καὶ οὐδ’ οὗτοι λαμπρόν τι πράξαντεσ ἔργον, ὡσ αὐτὸσ ὁ Θουκυδίδησ γράφει· προειπὼν γὰρ περὶ τοῦ Περικλέουσ, ὅτι τὴν πόλιν ἐφύλασσε καὶ δι’ ἡσυχίασ μάλιστα ὅσον ἐδύνατο εἶχεν· ἱππέασ μέντοι τινὰσ ἐξέπεμπεν ἀεὶ τοῦ μὴ προδρόμουσ ἀπὸ τῆσ στρατιᾶσ ἐσπίπτοντασ εἰσ τοὺσ ἀγροὺσ τοὺσ ἐγγὺσ τῆσ πόλεωσ κακουργεῖν, καὶ ἱππομαχίαν φησὶ γενέσθαι βραχεῖαν ἐν Φρυγίοισ τῶν τε Ἀθηναίων τέλει ἑνὶ τῶν ἱππέων καὶ Θεσσαλοῖσ μετ’ αὐτῶν πρὸσ τοὺσ Βοιωτῶν ἱππέασ· ἐν ᾗ οὐκ ἔλαττον ἔσχον οἱ Θεσσαλοὶ καὶ Ἀθηναῖοι, μέχρι οὗ προσβοηθησάντων τοῖσ Βοιωτοῖσ τῶν ὁπλιτῶν τροπὴ ἐγένετο αὐτῶν, καὶ ἀπέθανον τῶν Θεσσαλῶν καὶ Ἀθηναίων οὐ πολλοί· ἀνείλοντο μέντοι αὐτοὺσ αὐθημερὸν ἀσπόνδουσ·

καὶ οἱ Πελοποννήσιοι τρόπαιον τῇ ὑστεραίᾳ ἔστησαν. ἐν δὲ τῇ τετάρτῃ βύβλῳ οἱ μετὰ Δημοσθένουσ περὶ Πύλον ἀγωνισάμενοι πρὸσ Λακεδαιμονίων δύναμιν καὶ ἐκ γῆσ καὶ ἐκ θαλάττησ καὶ νικήσαντεσ ἐν ἀμφοτέραισ ταῖσ μάχαισ, δἰ οὓσ ἡ πόλισ αὐχήματοσ ἐπληρώθη, πολλῷ πλείουσ τε καὶ κρείττουσ ἦσαν ἐκείνων. τί δή ποτε οὖν ἐπὶ μὲν τοῖσ ὀλίγοισ ἱππεῦσι καὶ οὐδεμίαν οὔτε δόξαν οὔτε δύναμιν τῇ πόλει κτησαμένοισ τάσ τε ταφὰσ ἀνοίγει τὰσ δημοσίασ ὁ συγγραφεὺσ καὶ τὸν ἐπιφανέστατον τῶν δημαγωγῶν Περικλέα τὴν ὑψηλὴν τραγῳδίαν ἐκείνην εἰσάγει διατιθέμενον· ἐπὶ δὲ τοῖσ πλείοσι καὶ κρείττοσι, δι’ οὓσ ὑπέπεσον Ἀθηναίοισ οἱ τὸν πόλεμον ἐξενέγκαντεσ κατ’ αὐτῶν, ἐπιτηδειοτέροισ οὖσι ταύτησ τῆσ τιμῆσ τυγχάνειν οὐκ ἐποίησε τὸν ἐπιτάφιον; ἵνα δὲ πάσασ ἀφῶ τὰσ ἄλλασ μάχασ τάσ τε κατὰ γῆν καὶ κατὰ θάλατταν, ἐν αἷσ πολλοὶ διεφθάρησαν, οὓσ πολὺ δικαιότερον ἦν κοσμεῖσθαι τοῖσ ἐπιταφίοισ ἐπαίνοισ ἢ τοὺσ περιπόλουσ τῆσ Ἀττικῆσ, ἱππεῖσ δέκα ἢ πεντεκαίδεκα ὄντασ, οἱ ἐν Σικελίᾳ μετὰ Νικίου καὶ Δημοσθένουσ ἀποθανόντεσ Ἀθηναίων καὶ τῶν συμμάχων ἔν τε ταῖσ ναυμαχίαισ ἔν τε τοῖσ κατὰ γῆν ἀγῶσι καὶ τὸ τελευταῖον ἐν τῇ δυστήνῳ φυγῇ τετρακισμυρίων οὐκ ἐλάττουσ ὄντεσ καὶ οὐδὲ ταφῆσ δυνηθέντεσ τυχεῖν τῆσ νομίμου πόσῳ μᾶλλον ἦσαν ἐπιτηδειότεροι τυγχάνειν οἴκτων τε καὶ κόσμων ἐπιταφίων; ὃ δ’ οὕτωσ ἠμέληκε τῶν ἀνδρῶν, ὥστε μηδὲ τοῦτο αὐτὸ εἰπεῖν, ὅτι πένθοσ δημοσίᾳ προὔθετο ἡ πόλισ καὶ τοὺσ εἰωθότασ ἐναγισμοὺσ τοῖσ ἐπὶ ξένησ ἀποθανοῦσιν ἐπετέλεσεν καὶ τὸν ἐροῦντα ἐπ’ αὐτοῖσ ἀπέδειξεν, ὃσ τῶν τότε ῥητόρων λέγειν ἦν ἱκανώτατοσ.

γὰρ δὴ εἰκὸσ ἦν Ἀθηναίουσ ἐπὶ μὲν τοῖσ πεντεκαίδεκα ἱππεῦσιν δημοσίᾳ πενθεῖν, τοὺσ δ’ ἐν Σικελίᾳ πεσόντασ, ἐν οἷσ, τῶν δ’ ἐκ καταλόγου πλείουσ οἱ διαφθαρέντεσ ἢ πεντακισχίλιοι, μηδεμιᾶσ ἀξιῶσαι τιμῆσ.

ἀλλ’ ἐοίκεν ὁ συγγραφεὺσ εἰρήσεται γὰρ ἃ φρονῶ τῷ Περικλέουσ προσώπῳ βουλόμενοσ ἀποχρήσασθαι καὶ τὸν ἐπιτάφιον ἔπαινον ὡσ ὑπ’ ἐκείνου ῥηθέντα συνθεῖναι, ἐπειδὴ κατὰ τὸ δεύτερον ἔτοσ ἐτελεύτησεν ἁνὴρ τοῦδε τοῦ πολέμου καὶ οὐδεμιᾷ τῶν μετὰ ταῦτα γενομένων τῇ πόλει συμφορῶν παρεγένετο, εἰσ ἐκεῖνο τὸ μικρὸν καὶ οὐκ ἄξιον σπουδῆσ ἔργον τὸν ὑπὲρ τὴν ἀξίαν τοῦ πράγματοσ ἔπαινον ἀποθέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 18

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 18)

상위

목록

SEARCH

MENU NAVIGATION