헬라어 문장 검색 - Διονψσ́ΔεΤηυξψ́15́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 15)

εἰ μὲν οὖν ἐπὶ τῆσ Ἀθηναίων πρεσβείασ ἡ τὰ κεφάλαια τῶν γινομένων περιειληφυῖα δήλωσισ ἤρκει, λόγων δὲ καὶ παρακλήσεων, αἷσ ἐχρήσαντο οἱ πρέσβεισ, οὐδὲν ἔδει, μήτε πεισθέντων μήτε δεξαμένων τὰσ σπονδὰσ Λακεδαιμονίων, τί δή ποτε οὐ τὴν αὐτὴν προαίρεσιν ἐφύλαξε καὶ ἐπὶ τῶν ἐκ τῆσ Σπάρτησ ἀφικομένων εἰσ τὰσ Ἀθήνασ; οὐδὲ γὰρ ἐκεῖνοι διαπραξάμενοι τὴν εἰρήνην ἀπῆλθον. εἰ δ’ ἀκριβῶσ ἔδει ταῦτα εἰρῆσθαι, διὰ τί παρέλιπε ῥᾳθύμωσ ἐκεῖνα; οὐ γὰρ δή γε ἀσθενείᾳ δυνάμεωσ ἐξείργετο περὶ ἀμφοτέρων τοὺσ ἐνόντασ εὑρεῖν τε καὶ ἐξειπεῖν λόγουσ. εἰ δὲ δὴ κατὰ λογισμόν τινα τὴν ἑτέραν προείλετο πρεσβείαν ἐξεργάσασθαι, οὐκ ἔχω συμβαλεῖν, κατὰ τί τὴν Λακωνικὴν προέκρινε τῆσ Ἀττικῆσ μᾶλλον, τὴν ὑστέραν τοῖσ χρόνοισ ἀντὶ τῆσ προτέρασ καὶ τὴν ἀλλοτρίαν ἀντὶ τῆσ ἰδίασ καὶ τὴν ἐπ’ ἐλάττοσι κακοῖσ γενομένην ἀντὶ τῆσ ἐπὶ μείζοσι. πόλεών τε ἁλώσεισ καὶ κατασκαφὰσ καὶ ἀνδραποδισμοὺσ καὶ ἄλλασ τοιαύτασ συμφορὰσ πολλάκισ ἀναγκασθεὶσ γράφειν ποτὲ μὲν οὕτωσ ὠμὰ καὶ δεινὰ καὶ οἴκτων ἄξια φαίνεσθαι ποιεῖ τὰ πάθη, ὥστε μηδεμίαν ὑπερβολὴν μήτε ἱστοριογράφοισ μήτε ποιηταῖσ καταλιπεῖν· ποτὲ δὲ οὕτωσ ταπεινὰ καὶ μικρά, ὥστε μηδ’ εἰσ αἴσθησιν δεινῶν τι πεσεῖν γνώρισμα τοῖσ ἀναγινώσκουσι τὸν ἄνδρα.

λέγων τε ἃ περὶ τῆσ Πλαταιέων πόλεωσ εἴρηκε καὶ περὶ τῆσ Μυτιληναίων καὶ περὶ τῆσ Μηλίων, οὐδὲν δέομαι τὰσ λέξεισ ἐκείνασ φέρειν, ἐν αἷσ ἀπὸ τῆσ ἄκρασ δυνάμεωσ ἐξείργασται τὰσ συμφορὰσ αὐτῶν. ἐν αἷσ δ’ ἐπιτρέχει καὶ μικρὰ ποιεῖ τὰ πάθη αὐτῇ κατὰ πολλοὺσ τόπουσ τῆσ ἱστορίασ, τούτων μνησθήσομαι· περὶ δὲ τοὺσ αὐτοὺσ χρόνουσ τούτουσ Σκιωναίουσ Ἀθηναῖοι ἐκπολιορκήσαντεσ ἀπέκτειναν τοὺσ ἡβῶντασ, παῖδασ δὲ καὶ γυναῖκασ ἠνδραπόδισαν καὶ τὴν γῆν Πλαταιεῦσιν ἔδωκαν νέμεσθαι. καὶ Ἀθηναῖοι πάλιν ἐσ Εὔβοιαν διαβάντεσ Περικλέουσ στρατηγοῦντοσ κατεστρέψαντο πᾶσαν· καὶ τὴν ἄλλην ὁμολογίᾳ κατέστησαν, Ἑστιαιεῖσ δ’ ἐξοικίσαντεσ αὐτοὶ τὴν γῆν ἔσχον.

ἀνέστησαν δὲ Αἰγινήτασ τῷ αὐτῷ χρόνῳ τούτῳ ἐξ Αἰγίνησ Ἀθηναῖοι αὐτούσ τε καὶ γυναῖκασ καὶ παῖδασ, ἐπικαλέσαντεσ οὐχ ἥκιστα τοῦ πολέμου σφίσιν αἰτίουσ εἶναι· καὶ τὴν Αἴγιναν ἀσφαλέστερον ἐφαίνετο τῇ Πελοποννησίων ἐπικειμένην αὑτῶν πέμψαντεσ ἐποίκουσ ἔχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 15

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 15)

상위

목록

SEARCH

MENU NAVIGATION