헬라어 문장 검색 - Διονψσ́ΔεΤηυξψ́14́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 14)

τῆσ δὲ Νικίου στρατηγίασ μνησθείσ, ὅτε ναῦσ ἑξήκοντα καὶ δισχιλίουσ ὁπλίτασ Ἀθηναίων ἐπαγόμενοσ ἐπὶ Πελοπόννησον ἔπλευσε, κατακλείσασ δὲ Λακεδαιμονίουσ εἰσ τὰ φρούρια, τοὺσ ἐν Κυθήροισ καὶ τοὺσ ἐν Θυρέᾳ κατοικοῦντασ Αἰγινήτασ ἐξεπολιόρκησε καὶ τῆσ ἄλλησ Πελοποννήσου πολλὴν ἐδῄωσεν, ἐξ ἧσ αἰχμαλώτων πλῆθοσ ἐπαγόμενοσ ἀπέπλευσεν εἰσ τὰσ Ἀθήνασ, οὕτωσ εἴρηκεν ἐπιτροχάδην, περὶ μὲν τῶν ἐν Κυθήροισ πραγμάτων· καὶ μάχησ γενομένησ ὀλίγον μέν τινα χρόνον ὑπέστησαν οἱ Κυθήριοι· ἔπειτα τραπόμενοι κατέφυγον εἰσ τὴν ἄνω πόλιν καὶ ὕστερον συνέβησαν πρὸσ Νικίαν καὶ τοὺσ ξυνάρχοντασ, Ἀθηναίοισ ἐπιτρέψαι περὶ σφῶν αὐτῶν πλὴν θανάτου. περὶ δὲ τῆσ Λἰγινητῶν ἁλώσεωσ τῶν ἐν Θυρέᾳ· ἐν τούτῳ δ’ οἱ Ἀθηναῖοι κατασχόντεσ καὶ χωρήσαντεσ εὐθὺσ πάσῃ τῇ στρατιᾷ αἱροῦσι τὴν Θυρέαν, καὶ τήν τε πόλιν κατέκαυσαν καὶ τὰ ἐνόντα ἐξεπόρθησαν, τούσ τε Αἰγινήτασ, ὅσοι μὴ ἐν χερσὶ διεφθάρησαν, ἄγοντεσ ἀφίκοντο εἰσ τὰσ Ἀθήνασ. γενομένων δὲ περὶ τὰσ πόλεισ ἀμφοτέρασ εὐθὺσ ἐν ἀρχῇ τοῦ πολέμου μεγάλων συμφορῶν, δι’ ἃσ ἐπεθύμησαν ἀμφότεραι τῆσ εἰρήνησ, περὶ μὲν τῆσ προτέρασ, ὅτε Ἀθηναῖοι τετμημένησ μὲν αὐτοῖσ τῆσ χώρασ, οἰκοφθορημένησ δὲ τῆσ πόλεωσ ὑπὸ λοιμοῦ, πᾶσαν ἀπογνόντεσ βοήθειαν ἄλλην ἀπέστειλαν πρεσβείαν εἰσ Σπάρτην εἰρήνησ τυχεῖν δεόμενοι, οὔτε τοὺσ ἀποσταλέντασ ἄνδρασ εἴρηκεν οὔτε τοὺσ ῥηθέντασ ἐκεῖ λόγουσ ὑπ’ αὐτῶν οὔτε τοὺσ ἐναντιωθέντασ, ὑφ’ ὧν πεισθέντεσ Λακεδαιμόνιοι τὰσ διαλλαγὰσ ἀπεψηφίσαντο· φαύλωσ δέ πωσ καὶ ῥᾳθύμωσ ὡσ περὶ μικρῶν καὶ ἀδόξων πραγμάτων ταῦτα εἴρηκε·

μετὰ δὲ τὴν δευτέραν εἰσβολὴν τῶν Πελοποννησίων οἱ Ἀθηναῖοι, ὡσ ἥ τε γῆ αὐτῶν ἐτέτμητο τὸ δεύτερον καὶ ἡ νόσοσ ἐπέκειτο ἅμα καὶ ὁ πόλεμοσ, ἠλλοίωντο τὰσ γνώμασ, καὶ τὸν Περικλέα ἐν αἰτίᾳ εἶχον ὡσ πείσαντα σφᾶσ πολεμεῖν καὶ δἰ ἐκεῖνον ταῖσ ξυμφοραῖσ περιπεπτωκότεσ· πρὸσ δὲ τοὺσ Λακεδαιμονίουσ ὡρ́μηντο συγχωρεῖν, καὶ πρέσβεισ τινὰσ πέμψαντεσ πρὸσ αὐτοὺσ ἄπρακτοι ἐγένοντο. περὶ δὲ τῆσ ὑστέρασ, ὅτε Λακεδαιμόνιοι τοὺσ περὶ Πύλον ἁλόντασ τριακοσίουσ κομίσασθαι προθέμενοι πρεσβείαν ἀπέστειλαν εἰσ τὰσ Ἀθήνασ, καὶ τοὺσ λόγουσ εἴρηκε τοὺσ ὑπὸ τοῦ Λακεδαιμονίου ῥηθέντασ τότε καὶ τὰσ αἰτίασ ἐπελήλυθε, δι’ ἃσ οὐκ ἐπετελέσθησαν αἱ σπονδαί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 14

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 14)

상위

목록

SEARCH

MENU NAVIGATION