헬라어 문장 검색 - Διονψσ́ΔεΤηυξψ́13́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 13)

ὅτι δὲ καὶ περὶ τὰσ ἐξεργασίασ τῶν κεφαλαίων ἧττον ἐπιμελήσ ἐστιν, ἢ πλείονασ τοῦ δέοντοσ λόγουσ ἀποδιδοὺσ τοῖσ ἐλαττόνων δεομένοισ ἢ ῥᾳθυμότερον ἐπιτρέχων τὰ δεόμενα πλείονοσ ἐξεργασίασ, πολλοῖσ τεκμηρίοισ βεβαιῶσαι δυνάμενοσ ὀλίγοισ χρήσομαι· τὰσ μὲν πρώτασ Ἀθηναίων καὶ Πελοποννησίων ναυμαχίασ ἀμφοτέρασ περὶ τὴν τελευτὴν τῆσ δευτέρασ βύβλου γράφειν ἀρξάμενοσ, ἐν αἷσ πρὸσ ἑπτὰ καὶ τεσσαράκοντα ναῦσ Πελοποννησίων εἴκοσι ναυσὶν Ἀθηναῖοι μόνοι πρὸσ πολλαπλασίουσ τῶν βαρβάρων ναυμαχήσαντεσ ἃσ μὲν διέφθειρον, ἃσ δ’ αὐτάνδρουσ ἔλαβον οὐκ ἐλάττουσ ἢ ὅσασ ἔστειλαν ἐπὶ τὸν πόλεμον. θήσω δὲ καὶ τὴν λέξιν αὐτοῦ.

ἐγένετο μετὰ ταῦτα καὶ ἐπ’ Εὐρυμέδοντι ποταμῷ ἐν Παμφυλίᾳ πεζομαχία καὶ ναυμαχία Ἀθηναίων καὶ τῶν ξυμμάχων πρὸσ Μήδουσ, καὶ ἐνίκων τῇ αὐτῇ ἡμέρᾳ ἀμφότερα Ἀθηναῖοι Κίμωνοσ τοῦ Μιλτιάδου στρατηγοῦντοσ, καὶ εἷλον τριήρεισ Φοινίκων καὶ διέφθειρον τὰσ πάσασ διακοσίασ. ὅμοια δ’ ἐστὶ παρ’ αὐτῷ καὶ τὰ κατὰ τὰσ πεζικὰσ μάχασ ἢ μηκυνόμενα πέρα τοῦ δέοντοσ ἢ συναγόμενα εἰσ ἔλαττον τοῦ μετρίου. τὰ μέν γε περὶ Πύλον Ἀθηναίοισ πραχθέντα καὶ τὰ περὶ τὴν Σφακτηρίαν καλουμένην νῆσον, ἐν ᾗ Λακεδαιμονίουσ κατακλείσαντεσ ἐξεπολιόρκησαν, ἀρξάμενοσ ἐν τῇ τετάρτῃ βύβλῳ διηγεῖσθαι καὶ μεταξὺ τοῦ πολέμου τοῦδε πράξεισ τινὰσ ἑτέρασ παραδιηγησάμενοσ, εἶτ’ αὖθισ ἐπιστρέψασ ἐπὶ τὴν ἀπόδοσιν τῶν ἑξῆσ, ἅπαντα τὰ γεγενημένα κατὰ τὰσ μάχασ ὑπ’ ἀμφοτέρων διελήλυθεν ἀκριβῶσ καὶ δυνατῶσ, πλείουσ ἢ τριακοσίουσ στίχουσ αὐτὸσ ἀποδεδωκὼσ ταῖσ μάχαισ, καὶ ταῦτα οὐ πολλῶν ὄντων οὔτε τῶν ἀπολομένων οὔτε τῶν παραδόντων τὰ ὅπλα. αὐτόσ γέ τοι συγκεφαλαιούμενοσ τὰ περὶ τὴν μάχην κατὰ λέξιν οὕτωσ γράφει·

ἀπέθανον δὲ ἐν τῇ νήσῳ καὶ ζῶντεσ ἐλήφθησαν τοσοίδε· εἴκοσι μὲν ὁπλῖται διέβησαν καὶ τετρακόσιοι οἱ πάντεσ· τούτων ζῶντεσ ἐκομίσθησαν ὀκτὼ ἀποδέοντεσ τριακόσιοι, οἱ δ’ ἄλλοι ἀπέθανον. καὶ Σπαρτιᾶται τούτων ἦσαν εἴκοσι καὶ ἑκατὸν τῶν ζώντων, Ἀθηναίων δὲ οὐ πολλοὶ διεφθάρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 13

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 13)

상위

목록

SEARCH

MENU NAVIGATION