헬라어 문장 검색 - Διονψσ́ΔεΤηυξψ́06́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 6)

τούτοισ ἐπιγενόμενοσ Θουκυδίδησ οὔτ’ ἐφ’ ἑνὸσ ἐβουλήθη τόπου καθιδρῦσαι τὴν ἱστορίαν, ὡσ οἱ περὶ τὸν Ἑλλάνικον ἐποίησαν, οὔτε τὰσ ἐξ ἁπάσησ χώρασ Ἕλλησιν ἢ βαρβάροισ ἐπιτελεσθείσασ πράξεισ εἰσ μίαν ἱστορίαν συναγαγεῖν, μιμησάμενοσ Ἡρόδοτον· τῆσ μὲν προτέρασ ὑπεριδὼν ὡσ εὐτελοῦσ καὶ ταπεινῆσ καὶ πολλὰ οὐ δυνησομένησ τοὺσ ἀναγινώσκοντασ ὠφελῆσαι· τῆσ δ’ ὑστέρασ ὡσ μείζονοσ ἢ δυνατῆσ πεσεῖν εἰσ σύνοψιν ἀνθρωπίνου λογισμοῦ κατὰ τὸν ἀκριβέστατον τῶν τρόπων· ἕνα δὲ προχειρισάμενοσ πόλεμον, ὃν ἐπολέμησαν Ἀθηναῖοι καὶ Πελοποννήσιοι πρὸσ ἀλλήλουσ, τοῦτον ἐσπούδασεν ἀναγράψαι· ἐρρωμένοσ τε τὸ σῶμα καὶ τὴν διάνοιαν ὑγιαίνων καὶ μέχρι παντὸσ αὐτοῦ βιώσασ, καὶ οὐκ ἐκ τῶν ἐπιτυχόντων ἀκουσμάτων τὰσ πράξεισ συντιθείσ, ἀλλ’ οἷσ μὲν αὐτὸσ παρῆν, ἐξ ἐμπειρίασ, ὧν δ’ ἀπελείφθη διὰ τὴν φυγήν, παρὰ τῶν ἄριστα γινωσκόντων πυνθανόμενοσ. πρῶτον μὲν δὴ κατὰ τοῦτο διήλλαξε τῶν πρὸ αὐτοῦ συγγραφέων, λέγω δὲ κατὰ τὸ λαβεῖν ὑπόθεσιν μήτε μονόκωλον παντάπασι μήτ’ εἰσ πολλὰ μεμερισμένην καὶ ἀσυνάρτητα κεφάλαια· ἔπειτα κατὰ τὸ μηδὲν αὐτῇ μυθῶδεσ προσάψαι, μηδ’ εἰσ ἀπάτην καὶ γοητείαν τῶν πολλῶν ἐκτρέψαι τὴν γραφήν, ὡσ οἱ πρὸ αὐτοῦ πάντεσ ἐποίησαν, Λαμίασ τινὰσ ἱστοροῦντεσ ἐν ὕλαισ καὶ νάπαισ ἐκ γῆσ ἀνἱεμένασ, καὶ Ναΐδασ ἀμφιβίουσ ἐκ Ταρτάρων ἐξιούσασ καὶ διὰ πελάγουσ νηχομένασ καὶ μιξόθηρασ, καὶ ταύτασ εἰσ ὁμιλίαν ἀνθρώποισ συνερχομένασ, καὶ ἐκ θνητῶν καὶ θείων συνουσιῶν γονὰσ ἡμιθέουσ, καὶ ἄλλασ τινὰσ ἀπίστουσ τῷ καθ’ ἡμᾶσ βίῳ καὶ πολὺ τὸ ἀνόητον ἔχειν δοκούσασ ἱστορίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 6

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 6)

상위

목록

SEARCH

MENU NAVIGATION