호흡부호 보기
강세부호 보기
장단부호 보기
작은 Iota 보기
모든 부호 보기
ἀρχαῖοι μὲν οὖν συγγραφεῖσ πολλοὶ καὶ κατὰ πολλοὺσ τόπουσ ἐγένοντο πρὸ τοῦ Πελοποννησιακοῦ πολέμου· ἐν οἷσ ἐστιν Εὐγέων τε ὁ Σάμιοσ καὶ Δηίοχοσ ὁ Προκοννήσιοσ καὶ Εὔδημοσ ὁ Πάριοσ καὶ Δημοκλῆσ ὁ Φυγελεὺσ καὶ Ἑκαταῖοσ ὁ Μιλήσιοσ, ὅ τε Ἀργεῖοσ Ἀκουσίλαοσ καὶ ὁ Λαμψακηνὸσ Χάρων καὶ ὁ Χαλκηδόνιοσ Μελησαγόρασ, ὀλίγῳ δὲ πρεσβύτεροι τῶν Πελοποννησιακῶν καὶ μέχρι τῆσ Θουκυδίδου παρεκτείναντεσ ἡλικίασ Ἑλλάνικόσ τε ὁ Λέσβιοσ καὶ Δαμάστησ ὁ Σιγειεὺσ καὶ Ξενομήδησ ὁ Χῖοσ καὶ Ξάνθοσ ὁ Λυδὸσ καὶ ἄλλοι συχνοί. οὗτοι προαιρέσει τε ὁμοίᾳ ἐχρήσαντο περὶ τὴν ἐκλογὴν τῶν ὑποθέσεων καὶ δυνάμεισ οὐ πολύ τι διαφερούσασ ἔσχον ἀλλήλων, οἳ μὲν τὰσ Ἑλληνικὰσ ἀναγράφοντεσ ἱστορίασ, οἳ δὲ τὰσ βαρβαρικάσ, αὐτάσ τε ταύτασ οὐ συνάπτοντεσ ἀλλήλαισ, ἀλλὰ κατ’ ἔθνη καὶ κατὰ πόλεισ διαιροῦντεσ καὶ χωρὶσ ἀλλήλων ἐκφέροντεσ, ἕνα καὶ τὸν αὐτὸν φυλάττοντεσ σκοπόν, ὅσαι διεσῴζοντο παρὰ τοῖσ ἐπιχωρίοισ μνῆμαι κατὰ ἔθνη τε καὶ κατὰ πόλεισ, εἴ τ’ ἐν ἱεροῖσ εἴ τ’ ἐν βεβήλοισ ἀποκείμεναι γραφαί, ταύτασ εἰσ τὴν κοινὴν ἁπάντων γνῶσιν ἐξενεγκεῖν, οἱάσ παρέλαβον, μήτε προστιθέντεσ αὐταῖσ τι μήτε ἀφαιροῦντεσ·

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기