헬라어 문장 검색 - Διονψσ́ΔεΤηυξψ́03́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 3)

ἔστι δὴ τὸ βούλημά μου τῆσ πραγματείασ οὐ καταδρομὴ τῆσ Θουκυδίδου προαιρέσεώσ τε καὶ δυνάμεωσ, οὐδ’ ἐκλογισμὸσ τῶν ἁμαρτημάτων οὐδ’ ἐξευτελισμὸσ οὐδ’ ἄλλο τι τοιοῦτον ἔργον οὐδέν, ἐν ᾧ τὰ μὲν κατορθώματα καὶ τὰσ ἀρετὰσ οὐδενὸσ ἠξίωκα λόγου, τοῖσ δὲ μὴ κατὰ τὸ κράτιστον εἰρημένοισ ἐπιφύομαι· ἐκλογισμὸσ δέ τισ τοῦ χαρακτῆροσ τῶν λόγων, ἅπαντα περιειληφώσ, ὅσα συμβέβηκεν αὐτῷ κοινά τε πρὸσ ἑτέρουσ καὶ διαφέροντα παρὰ τοὺσ ἄλλουσ. ἐν οἷσ ἀναγκαῖον ἦν μὴ τὰσ ἀρετὰσ λέγεσθαι μόνον, ἀλλὰ καὶ τὰσ γειτνιώσασ αὐταῖσ κακίασ. οὐδεμία γὰρ αὐτάρκησ ἀνθρώπου φύσισ οὔτ’ ἐν λόγοισ οὔτ’ ἐν ἔργοισ ἀναμάρτητοσ εἶναι, κρατίστη δὲ ἡ πλεῖστα μὲν ἐπιτυγχάνουσα, ἐλάχιστα δὲ ἀστοχοῦσα. ἐπὶ ταύτην δὴ τὴν ὑπόθεσιν ἀναφέρων ἕκαστοσ τὰ ῥηθησόμενα μὴ τῆσ προαιρέσεώσ μου γενέσθω κατήγοροσ, ἀλλὰ τῶν ἰδίων τοῦ χαρακτῆροσ ἔργων ἐξεταστὴσ δίκαιοσ. ὅτι δ’ οὐκ ἐγὼ τοῦτο πρῶτοσ ἐπικεχείρηκα ποιεῖν, ἀλλὰ πολλοὶ καὶ πάλαι καὶ καθ’ ἡμᾶσ, οὐ φιλαπεχθήμονασ προελόμενοι γραφὰσ ἀλλὰ θεωρητικὰσ τῆσ ἀληθείασ, μυρίουσ παρασχέσθαι δυνάμενοσ μάρτυρασ, δυεῖν ἀνδράσιν ἀρκεσθήσομαι μόνοισ, Ἀριστοτέλει καὶ Πλάτωνι. Ἀριστοτέλησ τε γὰρ οὐχ ἅπαντα κατὰ τὸ κράτιστον εἰρῆσθαι πείθεται τῷ καθηγητῇ Πλάτωνι· ὧν ἐστι τὰ περὶ τῆσ ἰδέασ καὶ τὰ περὶ τἀγαθοῦ καὶ τὰ περὶ τῆσ πολιτείασ· αὐτόσ τε ὁ Πλάτων Παρμενίδην καὶ Πρωταγόραν καὶ Ζήνωνα καὶ τῶν ἄλλων φυσιολόγων οὐκ ὀλίγουσ ἡμαρτηκότασ ἀποδεικνύναι βούλεται·

καὶ οὐδεὶσ αὐτῷ κατ’ αὐτό γε τοῦτο ἐπιτιμᾷ, ἐνθυμούμενοσ ὅτι τῆσ φιλοσόφου θεωρίασ σκοπόσ ἐστιν ἡ τῆσ ἀληθείασ γνῶσισ, ἀφ’ ἧσ καὶ τὸ τοῦ βίου τέλοσ γίνεται φανερόν. ὅπου δὴ τοὺσ περὶ δογμάτων διαφερομένουσ οὐδεὶσ μέμφεται τῆσ προαιρέσεωσ, εἰ μὴ πάντα τὰ τῶν πρεσβυτέρων ἐπαινοῦσιν, ἦ που τούσ γε προελομένουσ χαρακτήρων ἰδιότητα δηλῶσαι μέμψαιτ’ ἄν τισ, εἰ μὴ πάσασ μαρτυροῦσι τοῖσ πρὸ αὐτῶν καὶ τὰσ μὴ προσούσασ ἀρετάσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 3

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 3)

상위

목록

SEARCH

MENU NAVIGATION