Dionysius of Halicarnassus, chapter 33 4:

οὓσ ὁ δῆμοσ καταγαγὼν ὑμῖν μὲν τὴν ὑμετέραν ἀπέδωκεν, αὐτὸσ δὲ ταύτησ οὐκ ἐτόλμησε μετασχεῖν. ὥστ’ ἐὰν ἔμοιγε πείθησθε, οὐ τοὺσ εὐεργέτασ, καθὸ δύνασθε, τῆσ πατρίδοσ ἀποστερήσετε οὐδὲ τοὺσ λόγουσ πιστοτέρουσ τῶν ἔργων οὐδὲ τὰ μέλλοντα τῶν γεγενημένων νομιεῖτε ἄλλωσ τε καὶ μεμνημένοι τῶν περὶ τῆσ ὀλιγαρχίασ μαχομένων, οἳ τῷ μὲν λόγῳ τῷ δήμῳ πολεμοῦσι, τῷ δὲ ἔργῳ τῶν ὑμετέρων ἐπιθυμοῦσιν, ἅπερ κτήσονται, ὅταν ὑμᾶσ ἐρήμουσ συμμάχων λάβωσιν, εἶτα τοιούτων ἡμῖν ὑπαρχόντων ἐροῦσι, τίσ ἔσται σωτηρία τῇ πόλει, εἰ μὴ ποιήσομεν, ἃ Λακεδαιμόνιοι κελεύουσιν;