헬라어 문장 검색 - Διονψσ́ΔεΛψσιά12́

(디오니시오스, chapter 12)

πολλοὺσ ἤδη τῶν ἀναφερομένων εἰσ αὐτὸν λόγων καὶ πεπιστευμένων ὑπὸ τοῦ πλήθουσ, ὡσ εἰσὶν ἐν τοῖσ πάνυ γνησίοισ Λυσίου, καὶ τά γε ἄλλα οὐκ ἀτόπωσ ἔχοντασ, ὅτι τὴν χάριν οὐ προσβάλλουσι τὴν Λυσιακὴν οὐδὲ τὴν εὐστομίαν ἔχουσιν ἐκείνησ τῆσ λέξεωσ, ὑποπτεύσασ τε καὶ βασανίσασ εὑρ͂ον οὐκ ὄντασ Λυσίου. ὧν ἐστι καὶ ὁ περὶ τῆσ Ἰφικράτουσ εἰκόνοσ, ὃν οἶδ’ ὅτι πολλοὶ καὶ χαρακτῆρα ἡγήσαιντο ἂν καὶ κανόνα τῆσ ἐκείνου δυνάμεωσ. οὗτοσ μέντοι ὁ λόγοσ ὁ καὶ τοῖσ ὀνόμασιν ἡρμηνεῦσθαι δοκῶν ἰσχυρῶσ καὶ τοῖσ ἐνθυμήμασιν εὑρῆσθαι περιττῶσ καὶ ἄλλασ πολλὰσ ἀρετὰσ ἔχων ἄχαρίσ ἐστι καὶ πολλοῦ δεῖ τὸ Λυσιακὸν ἐπιφαίνειν στόμα. μάλιστα δ’ ἐγένετό μοι καταφανὴσ ὅτι οὐχ ὑπ’ ἐκείνου τοῦ ῥήτοροσ ἐγράφη, τοὺσ χρόνουσ ἀναλογισαμένῳ. εἰ γὰρ ὀγδοηκονταετῆ γενόμενον θήσει τισ τελευτῆσαι Λυσίαν ἐπὶ Νίκωνοσ ἢ ἐπὶ Ναυσινίκου ἄρχοντοσ, ἑπτὰ ἔτεσιν ὅλοισ ἂν εἰή προτεροῦσα τῆσ γραφῆσ τοῦ ψηφίσματοσ ἡ τελευτὴ τοῦ ῥήτοροσ. μετὰ γὰρ Ἀλκισθένην ἄρχοντα, ἐφ’ οὗ τὴν εἰρήνην Ἀθηναῖοί τε καὶ Λακεδαιμόνιοι καὶ βασιλεὺσ ὤμοσαν, ἀποδοὺσ τὰ στρατεύματα Ἰφικράτησ ἰδιώτησ γίνεται καὶ τὸ περὶ τῆσ εἰκόνοσ ἦν τότ’ ἔτεσιν ἑπτὰ πρότερον τετελευτηκότοσ τῆσ γραφῆσ Λυσίου, πρὸ τοῦ συντάξασθαι τοῦτον τὸν ἀγῶνα Ἰφικράτει.

ὁμοίωσ δὲ καὶ τὴν ἀπολογίαν τοῦ ἀνδρὸσ καὶ αὐτὴν εἰσ Λυσίαν ἀναφερομένην φερομένην οὔτε τοῖσ πράγμασιν ἀτόπωσ ἔχουσαν οὔτε τοῖσ ὀνόμασιν ἀσθενῶσ δι’ ὑποψίασ ἔλαβον οὐκ ἐπανθούσησ τῇ λέξει τῆσ Λυσιακῆσ χάριτοσ· καὶ παραθεὶσ τοὺσ χρόνουσ οὐκ ὀλίγοισ ἔτεσιν εὑρ͂ον ὑστεροῦσαν τῆσ τελευτῆσ τοῦ ῥήτοροσ ἀλλὰ καὶ εἴκοσιν ὅλοισ.

ἐν γὰρ τῷ συμμαχικῷ πολέμῳ τὴν εἰσαγγελίαν Ἰφικράτησ ἠγώνισται καὶ τὰσ εὐθύνασ ὑπέσχηκε τῆσ στρατηγίασ, ὡσ ἐξ αὐτοῦ γίνεται τοῦ λόγου καταφανέσ· οὗτοσ δὲ ὁ πόλεμοσ πίπτει κατὰ Ἀγαθοκλέα καὶ Ἐλπίνην ἄρχοντασ. ὅτου μὲν οὖν εἰσι λόγοι ῥήτοροσ οἱ περί τε τῆσ εἰκόνοσ καὶ τῆσ προδοσίασ, οὐκ ἔχω βεβαίωσ εἰπεῖν. ὅτι δὲ ἑνὸσ ἀμφότεροι, πολλοῖσ τεκμηρίοισ ἔχοιμ’ ἂν εἰπεῖν· ἡ γὰρ αὐτὴ προαίρεσίσ τε καὶ δύναμισ ἐν ἀμφοτέροισ, ὑπὲρ ὧν οὐ καιρὸσ ἐν τῷ παρόντι διασκοπεῖν.

εἰκάζω δὲ Ἰφικράτουσ εἶναι αὐτούσ· καὶ γὰρ τὰ πολέμια δεινὸσ ὁ ἀνὴρ καὶ ἐν λόγοισ οὐκ εὐκαταφρόνητοσ, ἥ τε λέξισ ἐν ἀμφοῖν πολὺ τὸ φορτικὸν καὶ στρατιωτικὸν ἔχει καὶ οὐχ οὕτωσ ἐμφαίνει ῥητορικὴν ἀγχίνοιαν ὡσ στρατιωτικὴν αὐθάδειαν καὶ ἀλαζονείαν. ἀλλ’ ὑπὲρ μὲν τούτων ἑτέρωθι δηλωθήσεται διὰ πλειόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 12

(디오니시오스, chapter 12)

상위

목록

SEARCH

MENU NAVIGATION