호흡부호 보기
강세부호 보기
장단부호 보기
작은 Iota 보기
모든 부호 보기
καθαρόσ ἐστι τὴν ἑρμηνείαν πάνυ καὶ τῆσ Ἀττικῆσ γλώττησ ἄριστοσ κανών, οὐ τῆσ ἀρχαίασ, ᾗ κέχρηται Πλάτων τε καὶ Θουκυδίδησ, ἀλλὰ τῆσ κατ’ ἐκεῖνον τὸν χρόνον ἐπιχωριαζούσησ, ὡσ ἔστι τεκμήρασθαι τοῖσ τε Ἀνδοκίδου λόγοισ καὶ τοῖσ Κριτίου καὶ ἄλλοισ συχνοῖσ. κατὰ τοῦτο μὲν δὴ τὸ μέροσ, ὅ πέρ ἐστι πρῶτόν τε καὶ κυριώτατον ἐν λόγοισ, λέγω δὲ τὸ καθαρεύειν τὴν διάλεκτον, οὐθεὶσ τῶν μεταγενεστέρων αὐτὸν ὑπερεβάλετο, ἀλλ’ οὐδὲ μιμήσασθαι πολλοὶ δύναμιν ἔσχον ὅτι μὴ μόνοσ Ἰσοκράτησ· καθαρώτατοσ γὰρ δὴ τῶν ἄλλων μετὰ Λυσίαν ἐν τοῖσ ὀνόμασιν οὗτοσ ἔμοιγε δοκεῖ γενέσθαι ὁ ἀνήρ. μίαν μὲν δὴ ταύτην ἀρετὴν ἀξίαν ζήλου καὶ μιμήσεωσ εὑρίσκω παρὰ τῷ ῥήτορι καὶ παρακελευσαίμην ἂν τοῖσ βουλομένοισ καθαρῶσ γράφειν ἢ λέγειν ἐκεῖνον τὸν ἄνδρα ποιεῖσθαι παράδειγμα ταύτησ τῆσ ἀρετῆσ.
호흡부호 보기
강세부호 보기
장단부호 보기
작은 Iota 보기
모든 부호 보기