헬라어 문장 검색 - Διονψσ́ΔεΛψσιά14́

(디오니시오스, chapter 15)

καὶ θαυμάζειν ἄξιον, τί δή ποτε παθὼν ὁ Θεόφραστοσ τῶν φορτικῶν καὶ περιέργων αὐτὸν οἰέται ζηλωτὴν γενέσθαι λόγων καὶ τὸ ποιητικὸν διώκειν μᾶλλον ἢ τὸ ἀληθινόν. ἐν γοῦν τοῖσ Περὶ λέξεωσ γραφεῖσι τῶν τε ἄλλων καταμέμφεται τῶν περὶ τὰσ ἀντιθέσεισ καὶ παρισώσεισ καὶ παρομοιώσεισ καὶ τὰ παραπλήσια τούτοισ σχήματα διεσπουδακότων καὶ δὴ καὶ τὸν Λυσίαν ἐν τούτοισ κατηρίθμηκε, τὸν ὑπὲρ Νικίου τοῦ στρατηγοῦ τῶν Ἀθηναίων λόγον, ὃν εἶπεν ἐπὶ Συρακουσίων αἰχμάλωτοσ ὤν, ὡσ ὑπὸ τούτου γεγραμμένον τοῦ ῥήτοροσ παρατιθείσ. κωλύσει δ’ οὐδὲν ἴσωσ καὶ τὴν λέξιν αὐτὴν θεῖναι τὴν Θεοφράστου. ἔστι δὲ ἥδε· ἀντίθεσισ δ’ ἐστὶ τριττῶσ, ὅταν τῷ αὐτῷ τὰ ἐναντία ἢ τῷ ἐναντίῳ τὰ αὐτὰ ἢ τοῖσ ἐναντίοισ ἐναντία προσκατηγορηθῇ. τοσαυταχῶσ γὰρ ἐγχωρεῖ συζευχθῆναι. τούτων δὲ τὸ μὲν ἴσον καὶ τὸ ὅμοιον παιδιῶδεσ καὶ καθαπερεὶ ποίημα· διὸ καὶ ἧττον ἁρμόττει τῇ σπουδῇ. φαίνεται γὰρ ἀπρεπὲσ σπουδάζοντα τοῖσ πράγμασι τοῖσ ὀνόμασι παίζειν καὶ τὸ πάθοσ τῇ λέξει περιαιρεῖν· ἐκλύει γὰρ τὸν ἀκροατήν. οἱο͂ν ὡσ ὁ Λυσίασ ἐν τῇ τοῦ Νικίου ἀπολογίᾳ βουλόμενοσ ἔλεον ποιεῖν· Ἑλλήνων κλαίω ἀμάχητον καὶ ἀναυμάχητον ὄλεθρον ἱκέται μὲν αὐτοὶ τῶν θεῶν καθίζοντεσ, προδότασ δὲ τῶν ὁρ́κων ὑμᾶσ ἀποφαίνοντεσ ἀνακαλοῦντέσ τε συγγένειαν, εὐμένειαν. ταῦτα γὰρ εἰ μὲν τῷ ὄντι Λυσίασ ἔγραψε, δικαίωσ ἄν ἐπιτιμήσεωσ ἀξιοῖτο χαριεντιζόμενοσ ἐν οὐ χαρίεντι καιρῷ. εἰ δὲ ἑτέρου τινόσ ἐστιν ὁ λόγοσ, ὥσ περ ἔστιν, ὁ κατηγορῶν, ἃ μὴ προσῆκε, τοῦ ἀνδρὸσ μεμπτότεροσ. ὅτι δὲ οὐκ ἔγραψε Λυσίασ τὸν ὑπὲρ Νικίου λόγον οὐδ’ ἔστιν οὔτε τῆσ ψυχῆσ οὔτε τῆσ λέξεωσ ἐκείνησ τὸ γράμμα, πολλοῖσ πάνυ τεκμηρίοισ ἀποδεῖξαι δυνάμενοσ οὐκ ἔχω καιρὸν ἐν τῷ παρόντι λόγῳ.

ἰδίαν δὲ περὶ τοῦ ῥήτοροσ πραγματείαν συνταττόμενοσ, ἐν ᾗ τά τε ἄλλα δηλωθήσεταί μοι καὶ τίνεσ εἰσὶν αὐτοῦ λόγοι γνήσιοι, τὴν ἀκρίβειαν ἐν ἐκείνοισ καὶ περὶ τοῦδε ἀποδοῦναι πειράσομαι τοῦ λόγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 15

(디오니시오스, chapter 15)

상위

목록

SEARCH

MENU NAVIGATION