호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ τῷ διηγεῖσθαι τὰ πράγματα, ὅπερ οἶμαι μέροσ πλείστησ δεῖται φροντίδοσ καὶ φυλακῆσ, ἀναμφιλόγωσ ἡγοῦμαι κράτιστον αὐτὸν εἶναι πάντων ῥητόρων, ὁρ́ον τε καὶ κανόνα τῆσ ἰδέασ ταύτησ αὐτὸν ἀποφαίνομαι. οἰόμαι δὲ καὶ τὰσ τέχνασ τῶν λόγων, ἐν αἷσ εἴρηταί τι περὶ διηγήσεωσ ἀξιόλογον, οὐκ ἐξ ἄλλων τινῶν μᾶλλον ἢ τῶν ὑπὸ Λυσίου γραφεισῶν εἰληφέναι τὰ παραγγέλματα καὶ τὰσ ἀφορμάσ. καὶ γὰρ τὸ σύντομον μάλιστα αὗται ἔχουσιν αἱ διηγήσεισ καὶ τὸ σαφὲσ ἡδεῖαί τέ εἰσιν ὡσ οὐχ ἕτεραι καὶ πιθαναὶ καὶ τὴν πίστιν ἅμα λεληθότωσ συνεπιφέρουσιν, ὥστε μὴ ῥᾴδιον εἶναι μήθ’ ὅλην διήγησιν μηδεμίαν μήτε μέροσ αὐτῆσ ψευδὲσ ἢ ἀπίθανον εὑρεθῆναι· τοσαύτην ἔχει πειθὼ καὶ ἀφροδίτην τὰ λεγόμενα καὶ οὕτωσ λανθάνει τοὺσ ἀκούοντασ εἴτ’ ἀληθῆ ὄντα εἴτε πεπλασμένα. ὥσθ’ ὅπερ Ὅμηροσ ἐπαινῶν τὸν Ὀδυσσέα ὡσ πιθανὸν εἰπεῖν καὶ πλάσασθαι τὰ μὴ γενόμενα εἴρηκε, τοῦτό μοι δοκεῖ κἂν ἐπὶ Λυσίου τισ εἰπεῖν· εἶσκεν ψεύδεα πολλὰ λέγων ἐτύμοισιν ὁμοῖα. πᾶσί τε καὶ παντὸσ μάλιστα τοῦτο παρεκελευσάμην ἀσκεῖν τὸ μέροσ ἐν τοῖσ Λυσίου παραδείγμασι ποιουμένουσ τὰσ γυμνασίασ. κράτιστα γὰρ ἂν ἀποδείξαιτο ταύτην τὴν ἰδέαν ὁ μάλιστα τοῦτον τὸν ἄνδρα μιμησάμενοσ.
ἐν δὲ τῷ πιστοῦσθαι τὰ πράγματα τοιοῦτόσ τισ ὁ ἀνήρ ἐστιν.
호흡부호 보기
강세부호 보기
장단부호 보기
작은 Iota 보기
모든 부호 보기