헬라어 문장 검색 - Διονψσ́ΔεΛψσιά30́

(디오니시오스, chapter 30)

ἄλλων τε πολλῶν καὶ καλῶν ἔργων ἕνεκα, ὦ ἄνδρεσ, ἄξιον Ἡρακλέουσ μεμνῆσθαι καὶ ὅτι τόνδε τὸν ἀγῶνα πρῶτοσ συνήγειρε δι’ εὔνοιαν τῆσ Ἑλλάδοσ. ἐν μὲν γὰρ τῷ τέωσ χρόνῳ ἀλλοτρίωσ αἱ πόλεισ πρὸσ ἀλλήλασ διέκειντο, ἐπειδὴ δὲ ἐκεῖνοσ τοὺσ τυράννουσ ἔπαυσε καὶ τοὺσ ὑβρίζοντασ ἐκώλυσεν, ἀγῶνα μὲν σωμάτων ἐποίησε, φιλοτιμίαν δὲ πλούτῳ, γνώμησ δ’ ἐπίδειξιν ἐν τῷ καλλίστῳ τῆσ Ἑλλάδοσ, ἵνα τούτων ἁπάντων ἕνεκα εἰσ τὸ αὐτὸ συνέλθωμεν, τὰ μὲν ὀψόμενοι, τὰ δ’ ἀκουσόμενοι. ἡγήσατο γὰρ τὸν ἐνθάδε σύλλογον ἀρχὴν γενήσεσθαι τοῖσ Ἕλλησι τῆσ πρὸσ ἀλλήλουσ φιλίασ. ἐκεῖνοσ μὲν οὖν ταῦθ’ ὑφηγήσατο. ἐγὼ δὲ ἥκω οὐ μικρολογησόμενοσ οὐδὲ περὶ τῶν ὀνομάτων μαχούμενοσ· ἡγοῦμαι γὰρ ταῦτα ἔργα μὲν εἶναι σοφιστῶν λίαν ἀχρήστων καὶ σφόδρα βίου δεομένων, ἀνδρὸσ δὲ ἀγαθοῦ καὶ πολίτου πολλοῦ ἀξίου περὶ τῶν μεγίστων συμβουλεύειν, ὁρῶν οὕτωσ αἰσχρῶσ διακειμένην τὴν Ἑλλάδα καὶ πολλὰ μὲν αὐτῆσ ὄντα ὑπὸ τῷ βαρβάρῳ, πολλὰσ δὲ πόλεισ ὑπὸ τυράννων ἀναστάτουσ γεγενημένασ. καὶ ταῦτα εἰ μὲν δι’ ἀσθένειαν ἐπάσχομεν, στέργειν ἂν ἦν ἀνάγκη τὴν τύχην, ἐπειδὴ δὲ διὰ στάσιν καὶ τὴν πρὸσ ἀλλήλουσ φιλονεικίαν, πῶσ οὐκ ἄξιον τῶν μὲν παύσασθαι, τὰ δὲ κωλῦσαι, εἰδότασ ὅτι φιλονεικεῖν μέν ἐστιν εὖ πραττόντων, γνῶναι δὲ τὰ βέλτιστ’ ἀγωνιώντων; ὁρῶμεν γὰρ τοὺσ κινδύνουσ καὶ μεγάλουσ καὶ πανταχόθεν περιεστηκότασ.

ἐπίστασθε δὲ ὅτι ἡ μὲν ἀρχὴ τῶν κρατούντων τῆσ θαλάττησ, τῶν δὲ χρημάτων βασιλεὺσ ταμίασ, τὰ δὲ τῶν Ἑλλήνων σώματα τῶν δαπανᾶσθαι δυναμένων, ναῦσ δὲ πολλὰσ αὐτὸσ κέκτηται, πολλὰσ δ’ ὁ τύραννοσ τῆσ Σικελίασ. ὥστε ἄξιον τὸν μὲν πρὸσ ἀλλήλουσ πόλεμον καταθέσθαι, τῇ δ’ αὐτῇ γνώμῃ χρωμένουσ τῆσ σωτηρίασ ἀντέχεσθαι καὶ περὶ μὲν τῶν παρεληλυθότων αἰσχύνεσθαι, περὶ δὲ τῶν μελλόντων ἔσεσθαι δεδιέναι καὶ πρὸσ τοὺσ προγόνουσ μιμεῖσθαι, οἳ τοὺσ μὲν βαρβάρουσ ἐποίησαν τῆσ ἀλλοτρίασ ἐπιθυμοῦντασ τῆσ σφετέρασ αὐτῶν στερεῖσθαι, τοὺσ δὲ τυράννουσ ἐξελάσαντεσ κοινὴν ἅπασι τὴν ἐλευθερίαν κατέστησαν. θαυμάζω δὲ Λακεδαιμονίουσ πάντων μάλιστα, τίνι ποτὲ γνώμῃ χρώμενοι καιομένην τὴν Ἑλλάδα περιορῶσιν ἡγεμόνεσ ὄντεσ τῶν Ἑλλήνων οὐκ ἀδίκωσ καὶ διὰ τὴν ἔμφυτον ἀρετὴν καὶ διὰ τὴν περὶ τὸν πόλεμον ἐπιστήμην, μόνοι δὲ οἰκοῦντεσ ἀπόρθητοι καὶ ἀτείχιστοι καὶ ἀστασίαστοι καὶ ἀήττητοι καὶ τρόποισ ἀεὶ τοῖσ αὐτοῖσ χρώμενοι·

ὧν ἕνεκα ἐλπὶσ ἀθάνατον τὴν ἐλευθερίαν αὐτοὺσ κεκτῆσθαι καὶ ἐν τοῖσ παρεληλυθόσι κινδύνοισ σωτῆρασ γενομένουσ τῆσ Ἑλλάδοσ περὶ τῶν μελλόντων προορᾶσθαι.

οὐ τοίνυν ὁ ἐπιὼν καιρὸσ τοῦ παρόντοσ βελτίων· οὐ γὰρ ἀλλοτρίασ δεῖ τὰσ τῶν ἀπολωλότων συμφορὰσ νομίζειν ἀλλ’ οἰκείασ, οὐδ’ ἀναμεῖναι, ἑώσ ἂν ἐπ’ αὐτοὺσ ἡμᾶσ αἱ δυνάμεισ ἀμφοτέρων ἔλθωσιν, ἀλλ’ ἑώσ ἔτι ἔξεστι, τὴν τούτων ὕβριν κωλῦσαι. τίσ γὰρ οὐκ ἂν εν ὁρῶν ἐν τῷ πρὸσ ἀλλήλουσ πολέμῳ μεγάλουσ αὐτοὺσ γεγενημένουσ;

ὧν οὐ μόνον αἰσχρῶν ὄντων ἀλλὰ καὶ δεινῶν τοῖσ μὲν μεγάλα ἡμαρτηκόσιν ἐξουσία γεγένηται τῶν πεπραγμένων, τοῖσ δὲ Ἕλλησιν οὐδεμία αὐτῶν τιμωρία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 30

(디오니시오스, chapter 30)

상위

목록

SEARCH

MENU NAVIGATION